मुंबई : बॉलिवूड आणि विचारधारा यांचा संबंध तसा जुनाच, पण जेव्हा एखादा बडा स्टार उघडपणे एखाद्या संघटनेच्या कार्याचं कौतुक करतो, तेव्हा चर्चा तर होणारच! असंच काहीसं आता ‘सिंघम’ अजय देवगणच्या (Ajay Devgn) बाबतीत घडलंय. राष्ट्रीय स्वयंसेवक संघाच्या (RSS) स्थापनेला १०० वर्षे पूर्ण झाल्याच्या निमित्ताने एका विशेष चित्रपटाची घोषणा झाली आहे आणि खुद्द अजयने या चित्रपटाचा टीझर शेअर करत संघाच्या कामावर कौतुकाची थाप मारली आहे.
अजय देवगणने आपल्या सोशल मीडिया अकाऊंटवरून ‘शतक : संघाचे १०० वर्ष’ या चित्रपटाचा टीझर शेअर केला. यावेळी त्याने लिहिले की, “राष्ट्रीय स्वयंसेवक संघाला १०० वर्षे पूर्ण झाल्याबद्दल खूप खूप अभिनंदन. राष्ट्र उभारणीत (Nation Building) संघाचं योगदान खूप मोठं आहे.” अजयची ही पोस्ट सध्या सोशल मीडियावर चांगलीच व्हायरल होत आहे. या टीझरमध्ये “ये कहानी है उस विचार की, जिसे कई साल कई बार मिटाने की कोशिश की गई…” हे वाक्य लक्ष वेधून घेतं. टीझरमध्ये लोकमान्य टिळक, स्वातंत्र्यवीर सावरकर आणि महात्मा गांधी यांची झलकही पाहायला मिळते.
Ajay Devgn on RSS
हा चित्रपट केवळ इतिहासाचा आढावा नाही, तर संघाचे अनेक अपरिचित पैलू समोर आणण्याचा प्रयत्न आहे. दिग्दर्शक आशिष मल्ल यांच्या मते, समाजात पसरलेले गैरसमज दूर करणे आणि सत्य मांडणे हेच या सिनेमाचे उद्दिष्ट आहे. १८७५ ते १९५० या काळात सुरू झालेल्या अनेक चळवळींपैकी संघ ही अशी संघटना आहे जी आजही अखंडपणे कार्यरत आहे. त्यामुळेच ‘ना रुके, ना थके, ना झुके’ ही टॅगलाईन या सिनेमाला देण्यात आली आहे. आता हा चित्रपट प्रेक्षकांच्या पसंतीस किती उतरतो, हे पाहणं औत्सुक्याचं ठरेल.
📌 महत्वाच्या बातम्या
- पवारांनी धोक्याची घंटा वाजवली; भारताच्या ‘त्या’ निर्णयामुळे शेतकऱ्यांवर मोठं संकट?
- “मोदींनी ठरवलं तर पाकिस्तान क्रिकेट उद्ध्वस्त होईल”; पाकिस्तानच्या माजी कर्णधाराला धास्ती
- रोहित शर्मा भावूक; पद्मश्री मिळताच देशवासियांना दिलं ‘ते’ वचन, म्हणाला “अजून थांबलो नाही…”
बातम्यांसाठी YouTube चॅनेल Subscribe करा
Subscribe Now
