Age Fraud: भारतीय क्रिकेटमध्ये सध्या ‘वयचोरी’च्या (Age Fraud) प्रकरणांनी मोठी खळबळ उडवून दिली आहे. नुकतेच भारताच्या अंडर-१९ संघातून चमकलेला बंगालचा युवा लेग-स्पिनर रोहित यादव याच्यावर बीसीसीआयने (BCCI) वयाच्या प्रमाणपत्रात मोठी फसवणूक केल्याप्रकरणी चक्क दोन वर्षांची बंदी घातली आहे. आगामी ऑस्ट्रेलिया मालिकेसाठी त्याची संघात निवड झाली असतानाच ही धडक कारवाई झाल्याने क्रिकेट वर्तुळाला मोठा धक्का बसला आहे.
रोहित मूळचा उत्तर प्रदेशचा असून, त्याने नुकत्याच झालेल्या श्रीलंका दौऱ्यात भारतीय अंडर-१९ संघाचे प्रतिनिधित्व केले होते. तिथे त्याने सहा विकेट्स घेत अंतिम कसोटीत भारताला विजय मिळवून देण्यात सिंहाचा वाटा उचलला होता. पण याच दौऱ्यात जेव्हा त्याच्या कागदपत्रांची कसून चौकशी झाली, तेव्हा त्याच्याकडे २००७, २००९ आणि २०१० असे तीन वेगवेगळे जन्मदाखले असल्याचे उघड झाले.
कशी उघडकीस आली रोहितची Age Fraud चोरी?
६२ खेळाडूंवरही CAB ची मोठी कारवाई
सूत्रांनी दिलेल्या माहितीनुसार, जन्मदाखल्यांसोबतच त्याच्या आधार कार्डाच्या नोंदींमध्येही अनेक वेळा बदल करण्यात आले होते. सुरुवातीला त्याची जन्मतारीख २००७ होती, जी अपडेट करून २००६ आणि नंतर २०२१ मध्ये चक्क २००९ करण्यात आली. या सर्व कागदपत्रांमधील गडबडीमुळे तो वयोगटातील क्रिकेट खेळण्यास पूर्णपणे अपात्र ठरला आहे.
दुसरीकडे, क्रिकेट असोसिएशन ऑफ बंगालने (CAB) ही बाब अत्यंत गांभीर्याने घेतली आहे. त्यांनी रोहितला ज्युनियर संघातून आधीच बाहेर ठेवले होते, पण आता त्यांनी एक पाऊल पुढे टाकत वयाच्या दाखल्यांमध्ये गडबड करणाऱ्या तब्बल ६२ खेळाडूंना थेट अपात्र ठरवले आहे. या सर्वांवर २०२६-२७ आणि २०२७-२८ च्या हंगामासाठी कोणतीही स्पर्धा खेळण्यास बंदी घालण्यात आली आहे.
थोडक्यात सांगायचं तर, या कारवाईच्या रडारवर अनेक मोठे मासेही अडकले आहेत. यामध्ये भारताला २०२२ चा अंडर-१९ विश्वचषक जिंकून देणारा वेगवान गोलंदाज रवी कुमार आणि अष्टपैलू विशाल भट्टी यांचाही समावेश आहे. रवी कुमारच्या वयात तर चक्क ४५ महिन्यांची तफावत आढळून आली आहे. त्यामुळेच आता बीसीसीआयने वयाच्या फसवणुकीवर कठोर पावले उचलण्यास सुरुवात केली आहे.
📌 महत्वाच्या बातम्या
- जंतरमंतरवर विद्यार्थिनीच्या वडिलांवर जीवघेणा हल्ला! ‘कवटी फोडली’ म्हणणाऱ्या आरोपीला अटकेसाठी पोलिसांना ७२ तासांचा अल्टिमेटम
- ट्रॅफिक नियम तोडल्यास लायसन्समधून पॉईंट्स वजा; गडकरींचा मोठा प्लॅन
- अभिषेक शर्माला युवराज सिंगची भन्नाट ‘शिक्षा’; वाढदिवशी कॅमेऱ्यासमोर काढल्या उठाबशा, व्हिडीओ चर्चेत
बातम्यांसाठी YouTube चॅनेल Subscribe करा
Subscribe Now
