Nitesh Rane | मुंबई : शिवसेना नेते आणि माजी मंत्री अनिल परब यांचे कार्यालय अनधिकृत असल्याचे सांगत पाडण्यात आले. त्यावरुन अनिल परब यांनी ‘20 वर्षांपूर्वीचं एक प्रकरण अजून म्हाडाकडे पेंडिंग आहे. किरीट सोमय्यांना माझं आव्हान आहे नारायण राणेंचं घर तोडण्याचे आदेश कोर्टाने दिले आहेत. माझ्यासोबत किरीट सोमय्या ती तोडक कारवाई बघायला येणार का?’ असे अनिल परब म्हणाले होते. त्यावरुन आता भाजपचे आमदार नितेश राणे यांनी अनिल परब आणि उद्धव ठाकरे यांच्यावर सडकून टीका केली आहे.
“अनिल परबांनी तारीख आणि वेळ कळवावी. आम्ही चहा तयार ठेवतो. त्यांनी उगाचच्या सुक्या धमक्या देवू नये. कोर्ट कोर्टाचं काम करेल. त्यांना एवढं सोपं वाटू नये आमच्या घरी येऊन धिंगाणा घालणे वगैरे ही काही ‘मातोश्री’ नाही कोणीही यावं आणि जावं. त्यांनी तारीख, वेळ कळवावी त्यांचं असं स्वागत करु की पुन्हा राणे साहेंबांच्या घराकडे फिरकणार नाहीत”, असे नितेश राणे म्हणाले आहेत.
“दुसऱ्यांची घरं पाडण्यासाठी तक्रारी देणाऱ्या लोकांबरोबर नियती कधी ना कधी असा खेळ करतेच. कधी राणे साहेबांचं घर तोडा, कधी कंगना रणावतचं घर तोडा, कधी दुसऱ्यांना अटक करायला लावा अनिल परब हा मातोश्रीचा कारकून आहे. उद्धव ठाकरेंना स्वत:ला काही करण्याची हिंमत नाही. कारण तो नामर्द आहे. त्याला अनिल परबसारखे कारकून लागतातच”, अशा एकेरी भाषेत नितेश राणेंनी उद्धव ठाकरेंवर जहरी टीका केली आहे.
Anil Parab | अनिल परब यांचे किरीट सोमय्यांना ओपन चॅलेंज; म्हणाले…
अनिल परबचं घर फक्त ‘झाकी है अभी मातोश्री टू बाकी है’ दुसऱ्या मातोश्रीवर जेव्हा हतोडा पडेल तेव्हा दिसेल. कारण त्यामध्ये सुद्धा खूप अनधिकृत गोष्टी आहेत. राणे साहेबांच्या घरावर तक्रार करण्याआधी तुझा जो बाप आहे उद्धव ठाकरे त्याच्या मातोश्री टूमध्ये जे आता नवीन तयार झालं आहे त्यामध्ये शिल्लक सेनेच्या शिवसैनिकांना एन्ट्री नाही”, असंही नितेश राणेंनी सांगितलं आहे.
दरम्यान, ‘राज्यात आमचं सरकार आहे त्यामुळे सगळ सुरळित सुरु आहे. हिंदुत्ववादी विचारांचं सरकार चाललं आहे. आम्ही सरकार चालवत असल्याने कोणी महाराष्ट्राकडे वाकड्या नजरेने बघणार नाही. एवढी काळजी आम्ही घेवू’, असेही नितेस राणे म्हणाले आहेत.
महत्वाच्या बातम्या
- Eknath Shinde | “हा अर्थसंकल्प गरीबांना आधार, मध्यमवर्गीयांना दिलासा देणारा”; मुख्यमंत्र्यांकडून पंतप्रधान, अर्थमंत्र्यांचं कौतुक
- Aaditya Thackeray | “मुंबईला दिल्लीसमोर झुकवायचं हे आज दिसलं”; अर्थसंकल्पावरुन आदित्य ठाकरेंची सत्तधाऱ्यांवर आगपाखड
- Nana Patole | “आकर्षक घोषणा, अलंकारिक शब्द, आकड्यांचा खेळ अन् गुलाबी स्वप्नं यापलिकडं अर्थसंकल्पात काही नाही”
- Budget 2023 | “बजेटमधून सामान्य माणूस हद्दपार…”; काँग्रेसच्या ‘या’ नेत्याची परखड टीका
- #Union_Budget 2023 । अर्थसंकल्पावर ठाकरे गटाच्या टीकेला फडणवीसांचं प्रत्युत्तर; म्हणाले “हे जे महाभाग…”
