क्रिकेट प्रतिनिधी | IPL 2025 स्पर्धेदरम्यान शिस्तभंगामुळे लखनऊ सुपर जायंट्सचा खेळाडू दिग्वेश राठी याला पुढील सामन्यासाठी निलंबित करण्यात आले आहे. सोमवारी हैदराबादविरुद्ध एकाना स्टेडियमवर झालेल्या सामन्यात कोड ऑफ कंडक्टचा भंग केल्यामुळे त्याच्यावर ही कारवाई करण्यात आली.
दिग्वेश राठीने यंदा तिसऱ्यांदा आचारसंहितेच्या कलम 2.5 अंतर्गत लेव्हल 1 गुन्हा केला असून, यापूर्वीही त्याच्याकडे पंजाब किंग्स (1 एप्रिल) व मुंबई इंडियन्स (4 एप्रिल) सामन्यांतील उल्लंघनांमुळे 3 डिमेरिट पॉईंट्स जमा होते. सोमवारीच्या प्रकारामुळे आणखी 2 डिमेरिट पॉईंट्स मिळाल्याने त्याच्या एकूण गुणांची संख्या 5 झाली आहे. आयपीएलच्या नियमांनुसार 5 डिमेरिट पॉईंट्स झाल्यावर एका सामन्याचे निलंबन दिले जाते. परिणामी, दिग्वेश राठी 22 मे रोजी गुजरात टायटन्सविरुद्ध अहमदाबादमध्ये होणारा सामना खेळू शकणार नाही.
IPL 2025: Digvesh Rathi suspended, Abhishek Sharma fined
दरम्यान, सनरायझर्स हैदराबादचा अभिषेक शर्मा याच्यावर सुद्धा लेव्हल 1 गुन्ह्याबद्दल (कलम 2.6) 25 टक्के मॅच फीचा दंड ठोठावण्यात आला आहे. त्याच्यावर हा पहिला डिमेरिट पॉईंट नोंदवण्यात आला आहे. आचारसंहितेच्या लेव्हल 1 उल्लंघनांबाबत सामना पंचांचा निर्णय अंतिम आणि बंधनकारक असतो.
📌 महत्वाच्या बातम्या
- कोण बाहेर, कोण पुढे – MI की DC? वानखेडेवर ‘करा किंवा मरा’ची लढत!”
- वानखेडेवर रणसंग्राम! MI आणि DC मध्ये प्लेऑफसाठी ‘करा किंवा मरा’ सामना!
- IPL 2025: वानखेडेवर MI vs DC महासंग्राम – प्लेऑफचं तिकीट कुणाच्या नावावर?
बातम्यांसाठी YouTube चॅनेल Subscribe करा
Subscribe Now
