🕒 1 min read
Sambhaji Bhide | टीम महाराष्ट्र देशा: मराठवाड्यातील जालना जिल्ह्यामध्ये मनोज जरांगे यांचं मराठा आरक्षणासाठी आंदोलन सुरू आहे. त्यांच्या उपोषणाचा आज पंधरावा दिवस आहे.
उपोषणाच्या पंधराव्या दिवशी शिवस्वराज प्रतिष्ठान संस्थेचे प्रमुख संभाजी भिडे आज उपोषण स्थळी दाखल झाले आहे. उपोषण स्थळी दाखल होतच त्यांनी प्रसारमाध्यमांशी संवाद साधला आहे. मराठा समाजाला शंभर टक्के योग्य ते आरक्षण मिळणार, असं संभाजी भिडे यांनी म्हटलं आहे.
We will stand by Manoj Jarange – Sambhaji Bhide
प्रसार माध्यमांशी बातचीत करत असताना संभाजी भिडे (Sambhaji Bhide) म्हणाले, “आम्ही मनोज जरांगे यांच्या पाठीशी उभे राहणार आहोत. गेल्या अनेक दिवसांपासून एवढ्या चांगल्या नेतृत्वाचं सरकार राज्यामध्ये नव्हतं, असं माझं मत आहे.
सध्याचं सरकार शब्द पाळणारं आहे. ते मराठा समाजाला आरक्षण देतील. मनोज जरांगे यांचं आंदोलन यशस्वी ठरेल. त्याचबरोबर मराठा समाजाला आरक्षण मिळावं, यासाठी आम्ही मनोज जरांगे यांच्यासोबत आहोत.
मनोज जरांगे हे आंदोलन स्वतःसाठी करत नाही. त्यांचं हे आंदोलन समाज कल्याणसाठी आहे. त्यांच्या इच्छाशक्तीचं कौतुक करायला शब्द नाही.
या आंदोलनादरम्यान झालेल्या लाठी चार्ज मागे हे तिघंजण (मुख्यमंत्री आणि दोन्ही उपमुख्यमंत्री) नाही. लाठी चार्ज करा, असं म्हणणारे सध्याचे राज्यकर्ते नाही.
दरम्यान, मनोज जरांगे यांनी उपोषण थांबवाव यासाठी शरद पवार गटाचे आमदार रोहित पवार यांनी जरांगे यांना कळकळीची विनंती केली आहे.
ते म्हणाले, “मनोज जरांगे पाटील अत्यंत तळमळीने, जिद्दीने उपोषण करत आहेत, त्यांच्या उपोषणाचा आज पंधरावा दिवस आहे. त्यांची प्रकृती खालावत असल्याचे त्यांच्या आवाजावरून जाणवत आहे.
तसेच त्यांची एक किडनी सुद्धा काम करत नाही. परिणामी उपोषण सुरु ठेवणे मनोज जरांगे पाटील यांच्या आरोग्याच्या दृष्टीने अत्यंत धोकादायक आहे.
आरक्षणाचा लढा कायम राहीलच, परंतु मनोज जरांगे पाटील यांच्यासारख्या खऱ्या आणि निस्वार्थी हिऱ्याचे आरोग्य धोक्यात आले तर समाजाचे खूप मोठे नुकसान होईल.
त्यामुळे तूर्तास तरी समाजाचा व कुटुंबाचा विचार करून मनोज जरांगे पाटील यांनी उपोषण मागे घ्यायला हवे. सर्व सामाजिक कार्यकर्त्यांनी, कौटुंबिक-मित्र परिवारासह सर्वांनीच उपोषण सोडण्यासाठी त्यांना साद घालावी ही कळकळीची विनंती.”
महत्वाच्या बातम्या
- Sanjay Raut | “… म्हणून सरकारला जरांगेंचं उपोषण गुंडाळायचं”; संजय राऊतांचा राज्य सरकारवर हल्लाबोल
- Rohit Pawar | मनोज जरांगेंनी आपले उपोषण मागे घ्यायला हवे; रोहित पवारांची जरांगेंना कळकळीची विनंती
- Uddhav Thackeray | मोदींच्या पंगतीत लोकशाहीचे ताट रिकामे; ठाकरे गटाची मोदी सरकारवर टीका
- Maratha Reservation | मराठा आरक्षणाचा प्रश्न सुटणार? सर्वपक्षीय बैठकीत नेमकं काय झालं
- Devendra Fadnavis | लोकांची काम अडवणारं आमचं सरकार नाही; फडणवीसांची महाविकास आघाडीवर टीका
बातम्यांसाठी YouTube चॅनेल Subscribe करा
Subscribe Now
