‘लाडकी बहीण योजना बंद करा, पण…’; गुणरत्न सदावर्तेंचा सरकारला घरचा आहेर, जरांगे-लाड भेटीवरही कडाडून टीका

🕒 1 min read

राजकारणात कधी कोण कोणावर तोफ डागेल आणि केव्हा कुणाची कोंडी होईल, याचा काही नेम नाही. आता पुन्हा एकदा राज्यात राजकीय वातावरण चांगलंच तापलंय. निमित्त ठरलंय ते वकील गुणरत्न सदावर्ते (Gunratna Sadavarte) यांनी राज्य सरकार आणि मराठा आंदोलक मनोज जरांगे पाटील यांच्यावर केलेला थेट हल्लाबोल.

प्रसारमाध्यमांशी संवाद साधताना सदावर्ते यांनी थेट शेतकऱ्यांच्या प्रश्नांना हात घातला. अवकाळी पावसामुळे झालेल्या नुकसानीकडे लक्ष वेधत त्यांनी सरकारला खडेबोल सुनावले.

Gunratna Sadavarte to the government.

“एकवेळ लाडकी बहीण योजना बंद करा, पण आधी शेतकऱ्यांना पैसे द्या,” अशी थेट मागणीच त्यांनी केली आहे. शेतकऱ्यांना एकरी १० हजार रुपये नुकसान भरपाई आणि कांद्याला दोन हजार रुपये भाव मिळालाच पाहिजे, असा आक्रमक पवित्रा त्यांनी घेतलाय.

एवढंच नाही तर, लाडकी बहीणसारख्या योजनांवर सुप्रीम कोर्टानेही कडक टिपण्णी केल्याची आठवण त्यांनी सरकारला करून दिली. या Gunratna Sadavarte statement मुळे राजकीय वर्तुळात चर्चांना उधाण आलंय.

दुसरीकडे, भाजप आमदार प्रसाद लाड आणि मनोज जरांगे पाटील यांच्या ताज्या भेटीवरही सदावर्तेंनी जोरदार टीकास्त्र सोडलं. “आपण अधिक जातीयवादी होत चाललो आहोत,” अशी खंत त्यांनी व्यक्त केली. “उदय सामंत ब्राह्मण म्हणून डिस्कार्ड झाले आणि प्रसाद लाड मराठा होते म्हणून जरांगेंना भेटायला गेले,” असा मोठा गौप्यस्फोट करत त्यांनी सगळ्यांनाच धक्का दिला आहे.

उदय सामंत आता पॉलिटिकली अडकले असून त्यांना जरांगेंचे खुट्टे बसले आहेत, असा घणाघातही त्यांनी केला. प्रसाद लाड यांनी जरांगेंचे जास्तच ‘लाड’ केल्याचा टोला लगावत सदावर्ते पुढे म्हणाले की, “माय-बहिणीवरून शिव्या दिल्यानंतरही केवळ जातीसाठी माती खाल्ली म्हणून जर कोणी त्यांच्याकडे जात असेल तर ते अजिबात योग्य नाही.”

जरांगेंच्या मागण्या संविधानाच्या चौकटीत बसत नसून ते फक्त कास्ट व्हॅलिडिटी मागत असल्याचा पुनरुच्चारही त्यांनी यावेळी केला. आता त्यांच्या या आक्रमक भूमिकेवर सत्ताधारी काय उत्तर देणार, याकडे सगळ्यांचं लक्ष लागलंय.

📌 महत्वाच्या बातम्या

• पेट्रोल-डिझेलचा सर्वसामान्यांना तिसरा झटका; आठवडाभरातच कडाडले भाव, तुमच्या शहरात काय आहेत नवे दर?
• “मिका सिंगच्या पार्टीत मला जबरदस्ती किस केलं होतं आणि……”; राखी सावंतचा मोठा खुलासा!
• शिखर धवन लग्नाच्या अवघ्या ३ महिन्यांतच दुसऱ्यांदा हनिमूनला, पत्नी सोफीसोबत थेट… पाहा PHOTOS

📈 लोकप्रिय बातम्या

राज्य निवडणूक आयोगाचा मोठा निर्णय; राज्यातील १५,६३६ ग्रामपंचायतींमध्ये राजकीय भूकंप होणार?

उदय सामंत यांच्या पत्नीची मोठी माघार; निवडणुकीत अचानक ‘हा’ मोठा ट्विस्ट!

छगन भुजबळांचा मोठा गौप्यस्फोट, राष्ट्रवादीच्या बैठकीत स्वबळाचा नारा अन् धक्कादायक माहिती!