Eknath Shinde | बारामती : राज्याचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांचे सरकार राज्यात स्थापन झाल्यापासून 3 महिन्यात जेवणासाठी यांनी शासनाच्या तिजोरीतून कोट्यवधी रुपये खर्च केला आहे. याबाबतची माहिती ‘माहिती अधिकारातून’ उघड झाली आहे. बारामती येथील आरटीआय कार्यकर्ते नितीन यादव यांनी माहिती अधिकाराचा वापर करुन सदर माहिती मिळवली आहे. नितीन यादव यांनी ट्विट करत सदर माहिती उघड केली आहे.
मुख्यमंत्री एकनाथ शिंदे यांच्या ‘वर्षा’ निवासस्थानावर खानपान सेवेसाठी 1 जुलै ते 31 ऑक्टोंबर या 123 दिवसात 2 कोटी 38 लाख 34 हजार 958 रुपयांची उधळपट्टी करण्यात आली आहे. यावरुन दिवसाला सुमारे 1 लाख 93 हजार रुपयांचा खर्च मुख्यमंत्र्यांच्या ‘वर्षा’ या शासकिय निवास्थानावर होत असल्याची धक्कादायक माहिती आता माहितीच्या अधिकारतून समोर आली आहे. नितीन यादव यांनी याबाबत ट्वीटही केले आहे.
धक्कादायक! मुख्यमंत्री एकनाथ शिंदें सरकाराचा कारनामा, वर्षा शासकीय निवासस्थानची ३ महिन्यात जेवणासाठी तब्बल २ कोटी ३८ लाख रुपयांची उधळपट्टी.माहिती अधिकारात मला मिळाली धक्कादायक माहिती. pic.twitter.com/0VmdRtwni3
— Nitin Yadav (@nitin_s_yadav) February 17, 2023
नितीन यादव यांना शिंदे सरकारने नुकतेच 7 महिन्यात जाहिरातींसाठी 42 कोटी रुपये शासकीय तिजोरीतुन खर्च केल्याची माहिती माहिती अधिकारात मिळाली होती त्यानंतर आता यादव यांना मुख्यमंत्री एकनाथ शिंदे यांच्या निवासस्थानी होणाऱ्या वारेमाप खर्चाची धक्कादायक माहिती मिळाली आहे. यामध्ये सोबत ‘सहयाद्री’ अतिथिगृहातील चहा, कॅाफी नाश्त्यासाठी 8 दिवसात 91 हजार 500 रुपयांचा खर्च केल्याचे समोर आले आहे.
‘मुख्यमंत्री बैठक आणि त्यांच्या भेटीसाठी आलेल्या व्यक्तींसाठी चहा कॅाफी थंडपेयेसाठी 3 लाख 49 हजार 929 रुपयांचा खर्च केल्याची माहिती या पत्रात आढळून येत आहे. त्यामुळे वारेमाप होणाऱ्या या उधळपट्टीवर अकुंश लावण्यासाठी शिंदे सरकारने प्रयत्न करावेत’ अशी विनंती नितीन यादव यांनी केली आहे.
महत्वाच्या बातम्या-
- Sanjay Shirsat | “हे घडवून आणण्यात संजय राऊतच प्यादे”; फडणवीसांनंतर शिरसाटांचा गोप्यस्फोट
- Sharad Pawar | “फडणवीसांचं महत्व वाढवावं असं मला वाटत नाही”; शरद पवारांची जहरी टीका
- Sharad Pawar | पवार इज पॉवर: सुप्रिया सुळेंवर केलेल्या टीकेनंतर अब्दुल सत्तार सायलेंट मोडवर
- Chandrashekhar Bawankule | “अजित पवारांना 440चा करंट लागला पाहीजे”; बावनकुळेंचं आवाहन
- Mahashivratri Diet | शरीरात दिवसभर ऊर्जा टिकवून ठेवण्यासाठी महाशिवरात्रीच्या उपवासात करा ‘या’ गोष्टींचे सेवन
