लाडकी बहीण योजनेला दिवंगत अजित पवार यांचे नाव द्या; अमोल मिटकरींची मोठी मागणी

लाडकी बहीण योजनेला दिवंगत अजित पवार यांचे नाव द्यावे, अशी मागणी आमदार अमोल मिटकरी यांनी केली आहे. यावर आता सरकार काय निर्णय घेणार याकडे सर्वांचे लक्ष आहे.

by Maharashtra Desha

Published On:

Feb 3, 2026 10:39 AM

Ladki Bahin Yojana Name Change: योजनेला अजित पवारांचे नाव द्या; मिटकरींची मागणी

🕒 1 min read

राजकारणात कधी काय मागणी होईल आणि कोणता ट्विस्ट येईल, याचा काही नेम नाही. आता तर थेट राज्याच्या सर्वात गाजलेल्या योजनेचे नाव बदलण्याची मागणी समोर आली असून, त्यामुळे राजकीय वर्तुळात चांगलीच खळबळ उडाली आहे. राष्ट्रवादी काँग्रेसचे फायरब्रँड आमदार अमोल मिटकरी (Amol Mitkari) यांनी मुख्यमंत्री आणि सरकारकडे एक अत्यंत भावूक मागणी लावून धरली आहे.

मिटकरी यांनी स्पष्ट शब्दांत म्हटलंय की, ‘मुख्यमंत्री लाडकी बहीण योजना’ (Ladki Bahin Yojana) ही मूळ संकल्पना आणि दूरदृष्टी दिवंगत उपमुख्यमंत्री अजित पवार (Ajit Pawar) यांचीच होती. त्यामुळे या योजनेला आता ‘अजितदादांची लाडकी बहीण योजना’ असे नाव देण्यात यावे. “अजितदादांच्या स्मृती जपण्यासाठी आणि लाडक्या बहिणींकडून दादांना हीच खरी आदरांजली ठरेल,” असं मत मिटकरींनी व्यक्त केलं आहे. त्यांच्या या मागणीमुळे महायुती सरकारमध्ये काय निर्णय होतो, हे पाहणं महत्त्वाचं ठरणार आहे.

Ladki Bahin Yojana Name Change

दुसरीकडे, उपमुख्यमंत्री एकनाथ शिंदे (Eknath Shinde) यांनी बहिणींना दिलेलं वचन पुन्हा एकदा अधोरेखित केलं आहे. शिंदे म्हणाले, “लाडक्या बहिणींना लखपती केल्याशिवाय हा भाऊ शांत बसणार नाही. आम्ही लवकरच या योजनेची रक्कम वाढवून २१०० रुपये करणार आहोत.”

मात्र, एका बाजूला लोकप्रिय घोषणा होत असतानाच, दुसरीकडे राज्याच्या तिजोरीवरचा ताण वाढल्याचं वास्तव नाकारता येत नाही. आर्थिक पाहणी अहवालानुसार, अशा योजनांमुळे राज्याची महसुली तूट वाढत आहे. खुद्द अजितदादांच्या अर्थखात्याने याबाबत चिंता व्यक्त केली होती, पण बहिणींच्या हक्कासाठी दादांनी कधीच निधीची कमतरता भासू दिली नाही, अशी आठवणही यावेळी काढली जात आहे. आता मिटकरींच्या या ‘नामकरणाच्या’ मागणीवर सरकार काय भूमिका घेतं, याकडे संपूर्ण राज्याचं लक्ष लागलं आहे.