IND vs NZ Final: फायनलमध्ये टॉस हरणं टीम इंडियाला महागात पडणार का? हाच प्रश्न आता प्रत्येक भारतीयाच्या मनात आहे. कारण अहमदाबादच्या नरेंद्र मोदी स्टेडियमवर १ लाख ३२ हजार प्रेक्षकांच्या साक्षीने आत्ताच महामुकाबल्याचा टॉस पार पडला आहे.
यात न्यूझीलंडचा कर्णधार मिचेल सँटनर याने नाणेफेक जिंकून प्रथम गोलंदाजी करण्याचा अतिशय मोठा निर्णय घेतला आहे. याचाच अर्थ सूर्यकुमार यादवच्या नेतृत्वाखालील टीम इंडियाला आता प्रथम फलंदाजी करावी लागेल.
सँटनरने हा निर्णय अतिशय विचारपूर्वक घेतला आहे. रात्रीच्या वेळी दुसऱ्या डावात पडणाऱ्या ‘दव’ (Dew) फॅक्टरचा त्याला पुरेपूर फायदा घ्यायचा आहे. दव पडल्यावर मैदान ओले होते आणि गोलंदाजांना चेंडू ग्रिप करणे खूपच कठीण जाते.
त्यामुळे आता प्रथम फलंदाजी करताना संजू सॅमसन आणि सूर्यावर सुरुवातीच्या षटकांतच मोठी धावसंख्या उभारण्याचं प्रचंड दडपण असणार आहे. जर भारताने २०० धावांचा टप्पा ओलांडला नाही, तर न्यूझीलंडच्या फलंदाजांना दुसऱ्या डावात दव फॅक्टरमुळे धावा करणे सोपे जाऊ शकते.
आता या कठीण परिस्थितीत भारतीय फलंदाज किवी गोलंदाजांचा कसा समाचार घेतात, हे पाहणे थरारक ठरणार आहे. दोन्ही संघांनी प्लेइंग ११ मध्ये काय मोठे बदल केले आहेत, याची अधिकृत यादी आता काही क्षणांत समोर येईल. क्रिकेटची ही फायनल आता खऱ्या अर्थाने तापली आहे!
📌 महत्वाच्या बातम्या
- अहमदाबाद पोलिसांनी रातोरात घेतला मोठा निर्णय! स्टेडियमबाहेर अभूतपूर्व बंदोबस्त
- मायकल क्लार्कने बुमराहबाबत केली मोठी भविष्यवाणी! न्यूझीलंडच्या गोटात उडाली खळबळ
- डेल स्टेनने न्यूझीलंडची काढली लायकी! फायनलआधीच डिवचून उडवली खिल्ली
