🕒 1 min read
Tim Seifert: अहमदाबादच्या नरेंद्र मोदी स्टेडियमवर सुरू असलेल्या विश्वचषकाच्या फायनलमध्ये आता टीम इंडियाच्या ऐतिहासिक विजयाची फक्त औपचारिकता उरली आहे का? असं चित्र आता स्पष्ट दिसू लागलं आहे. २५६ धावांच्या महाकाय लक्षाचा पाठलाग करताना न्यूझीलंडची अवस्था आता अत्यंत बिकट झाली आहे.
एकीकडे किवींचे दिग्गज फलंदाज पत्त्यांच्या बंगल्यासारखे कोसळत असताना सलामीवीर टिम सिफर्ट एकटा खिंड लढवत होता. सिफर्टने अवघ्या २६ चेंडूंत ५२ धावांची स्फोटक खेळी करत भारतीय गोटात थोडे टेन्शन निर्माण केले होते. त्याने आपल्या या खेळीत ५ गगनभेदी षटकार आणि २ खणखणीत चौकार ठोकले.
पण फिरकीपटू वरुण चक्रवर्तीने सिफर्टला आपल्या फिरकीच्या जाळ्यात ओढले आणि ईशान किशनने त्याचा सुरेख झेल टिपला. सिफर्ट बाद होताच न्यूझीलंडची उरली-सुरली आशाही संपुष्टात आली आहे. ९ षटकांच्या खेळानंतर न्यूझीलंडची धावसंख्या ५ बाद ८३ अशी केविलवाणी झाली आहे.
आता किवी संघाला विश्वचषक जिंकण्यासाठी उरलेल्या ६६ चेंडूंत तब्बल १७३ धावांची गरज आहे. त्यांचा आवश्यक रनरेट (RRR) आता १५.७ वर पोहोचला आहे. सध्या मैदानावर डॅरिल मिचेल (१) आणि कर्णधार मिचेल सँटनर (७) झुंज देत आहेत.
हार्दिक पंड्या, अक्षर पटेल, बुमराह आणि आता वरुण चक्रवर्ती यांनी केलेल्या टिच्चून गोलंदाजीमुळे भारताचा विजय आता निश्चित मानला जात आहे. १ लाख ३२ हजार प्रेक्षक आता टीम इंडियाच्या विश्वविजेतेपदाचा जल्लोष करण्यासाठी सज्ज झाले आहेत.
📌 महत्वाच्या बातम्या
- Axar Patel: अक्षर पटेलचा फायनलमध्ये दुसरा वार! ग्लेन फिलिप्सची उडवली दांडी
- Jasprit Bumrah: बुमराहचा फायनलमध्ये पहिला धमाका! रचिन रवींद्र आऊट, न्यूझीलंडच्या हातातून मॅच निसटणार?
- Finn Allen: अक्षर पटेलने घेतला मोठा बदला! फायनलमध्ये न्यूझीलंडचा सर्वात घातक फलंदाज आऊट
बातम्यांसाठी YouTube चॅनेल Subscribe करा
Subscribe Now
