प्रतिनिधी, 31 ऑक्टोबर: न्यूझीलंडविरुद्ध ऑकलंडच्या ईडन पार्कवर शुक्रवारी (३० ऑक्टोबर) झालेल्या चौथ्या टी-२० सामन्यात नाणेफेक जिंकून भारतीय क्रिकेट संघाचा कर्णधार श्रेयस अय्यरने (Shreyas Iyer) एक ऐतिहासिक विक्रम आपल्या नावावर केला आहे. टी-२० कर्णधारांमध्ये पहिल्या २५ सामन्यांत सर्वाधिक १९ वेळा नाणेफेक जिंकण्याची खास कामगिरी त्याने केली आहे.
या यादीत श्रेयसच्या पाठोपाठ वेस्ट इंडिजचा माजी कर्णधार डॅरेन सॅमी आणि पाकिस्तानचा माजी कर्णधार सलमान अली आघा यांचा क्रमांक लागतो. या दोघांनीही त्यांच्या पहिल्या २५ सामन्यांत १७ वेळा नाणेफेक जिंकली होती. या नव्या विक्रमानंतर श्रेयसने ईडन पार्कवर प्रथम गोलंदाजी करण्याचा निर्णय घेतला.
पाच सामन्यांच्या या मालिकेत भारताने आधीच ३-१ अशी विजयी आघाडी घेतली असली, तरी भारतीय संघ न्यूझीलंडला हलक्यात घेण्यास तयार नाही. नाणेफेकीवेळी बोलताना श्रेयसने खेळाडूंना आक्रमक दृष्टिकोन कायम ठेवण्याचा इशारा दिला. तो म्हणाला, “आतापर्यंतचा निकाल काहीही असला तरी समोरच्या संघाला कोणतीही संधी न देता निर्दयीपणे खेळणे महत्त्वाचे आहे. खेळाडूंनाही हाच संदेश देण्यात आला आहे. प्रसंग कोणताही असला तरी तुम्हाला अविचलित राहावे लागेल. मला वाटते की सर्वांचा उत्साह सध्या शिगेला पोहोचला आहे.”
“वारा सगळीकडे आमच्या पाठलाग करत आहे आणि हवामान पुन्हा पुन्हा थंड होत आहे. पण आम्ही कोणतीही कसर न सोडण्याचा निर्णय घेतला असून आमची मानसिकताही तशीच राहील. अर्थात, आम्ही मालिका जिंकली आहे, पण मला अजूनही वाटते की आमचे काम निम्मेच झाले आहे.”
भारताचा प्लेइंग इलेव्हन: अभिषेक शर्मा, संजू सॅमसन (यष्टीरक्षक), इशान किशन, श्रेयस अय्यर (कर्णधार), तिलक वर्मा, नितीश कुमार रेड्डी, नमन धीर, अक्षर पटेल, अर्शदीप सिंग, मयंक यादव, प्रिन्स यादव.
न्यूझीलंडचा प्लेइंग इलेव्हन: फिन ऍलन, टिम सेफर्ट (यष्टीरक्षक), डॅरिल मिशेल, ग्लेन फिलिप्स, बेव्हॉन जेकब्स, मायकेल ब्रेसवेल, मिचेल सँटनर (कर्णधार), नॅथन स्मिथ, अ‍ॅडम मिल्ने, जेकब डफी, मॅथ्यू फिशर.
📌 महत्वाच्या बातम्या
- स्मृती मंधानाचा खुलासा: वर्ल्ड कप विजयानंतर धोनीने पाठवला होता खास व्हॉट्सॲप मेसेज
- शेतकऱ्यांबाबतच्या विधानावरून एकनाथ शिंदे संतापले; आमदार संजय गायकवाड यांच्यावर निलंबनाची कारवाई होण्याची शक्यता
- “तुझी लायकी किती तू बोलतो किती!” नवनाथ बन यांच्या आरोपांनंतर निलेश राणे आक्रमक; महायुतीत वाद
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
