Hardik Pandya – वर्ल्ड कप जिंकण्याचा आनंद ओसरायच्या आतच हार्दिक पांड्याला मोठा धक्का बसला. तीन दिवसांपूर्वी अहमदाबादच्या मैदानावर ट्रॉफी उंचावणारा हा स्टार ऑलराऊंडर आता एका वेगळ्याच कारणाने चर्चेत आहे.
पुण्यातील वकील वाजिद खान यांनी शिवाजीनगर पोलीस स्टेशनमध्ये हार्दिक पांड्याविरोधात तक्रार नोंदवली आहे. हार्दिकने फायनलनंतरच्या सेलिब्रेशनमध्ये राष्ट्रीय ध्वज शरीराभोवती गुंडाळला आणि गर्लफ्रेंड Mahika Sharma सोबत पोडियमवर काही क्षण झोपला हाच आरोपाचा मुद्दा आहे.
Hardik Pandya Flag Controversy
फायनल संपल्यानंतर सगळे खेळाडू कुटुंबांसह मैदानावर जमले होते. हार्दिकसोबत निळ्या ड्रेसमध्ये माहिका शर्मा होती. दोघांनी मिठी मारली, किस केलं, सहकाऱ्यांसोबत डान्सही केला. ट्रॉफीच्या पोडियमवर बसताना हार्दिकने तिरंगा अंगावर घेतला होता. त्यानंतर दोघे काही सेकंद पोडियमवर झोपले आणि त्याच फोटो-व्हिडिओंवरून आता वाद पेटलाय.
तक्रारदार वकील वाजिद खान यांनी FIR नोंदवण्याची मागणी केली आहे. “राष्ट्रीय ध्वजाचा सन्मान करणं प्रत्येक नागरिकाचं कर्तव्य आहे, खेळाडू असो वा कुणीही” असं त्यांनी तक्रारीत नमूद केलं आहे.
पुण्याच्या शिवाजीनगर पोलिसांनी तक्रार मिळाल्याची पुष्टी केली आहे. मात्र अद्याप FIR नोंदवण्यात आलेला नाही. चौकशी सुरू असल्याचं पोलिसांनी सांगितलं. हार्दिक पांड्या किंवा BCCI कडून अद्याप कोणतीही अधिकृत प्रतिक्रिया आलेली नाही. आता चर्चा अशी आहे की हे प्रकरण पुढे जाईल का, कारण Flag Code of India 2002 अंतर्गत ध्वजाच्या वापरावर स्पष्ट निर्बंध आहेत.
📌 महत्वाच्या बातम्या
- Sanju Samson: संजूच्या वादळामागे ‘सचिन’ कनेक्शन! विजयानंतर सॅमसनचा सर्वात मोठा गौप्यस्फोट
- भारत विश्वविजेता! फायनलमध्ये न्यूझीलंडचा ९६ धावांनी धुव्वा, अहमदाबादमध्ये टीम इंडियाचा ऐतिहासिक विजय
- Jasprit Bumrah: बुमराहचा फायनलमध्ये कहर! ‘यॉर्कर किंग’ने किवींची दाणादाण उडवली, टीम इंडिया विजयाच्या उंबरठ्यावर
