Jasprit Bumrah: अहमदाबादच्या नरेंद्र मोदी स्टेडियमवर आज जसप्रीत बुमराह नावाचं वादळ आलंय की काय? असा प्रश्न किवी फलंदाजांना पडला असेल. २५६ धावांच्या महाकाय लक्षाचा पाठलाग करताना न्यूझीलंडचा संघ भारतीय गोलंदाजीसमोर पूर्णपणे शरणागत झाला असून, बुमराहने एकाच षटकात दोन मोठे धक्के देऊन किवींच्या उरल्यासुरल्या आशाही धुळीस मिळवल्या आहेत.
१६ व्या षटकात बुमराहने खऱ्या अर्थाने आपला रौद्र अवतार दाखवला. पहिल्या डावात भारताला त्रास देणाऱ्या जेम्स नीशमला बुमराहने पहिल्याच चेंडूवर बाद करून आपला बदला पूर्ण केला. त्यानंतर पुढच्याच चेंडूवर त्याने मॅट हेन्रीचा त्रिफळा उडवत मैदानावर एकच खळबळ उडवून दिली. नीशम आणि हेन्री हे दोन्ही फलंदाज शून्यावर (०) बाद झाले असून बुमराह हॅट्ट्रिकच्या उंबरठ्यावर होता.
जसप्रीत बुमराहने आतापर्यंत अवघ्या २.५ षटकांत फक्त १२ धावा खर्च करून ३ अतिशय महत्त्वाचे बळी टिपले आहेत. १५.५ षटकांच्या खेळानंतर न्यूझीलंडची धावसंख्या ८ बाद १४२ अशी अत्यंत दयनीय झाली आहे. किवींना विश्वचषक जिंकण्यासाठी आता २५ चेंडूंत तब्बल ११४ धावांची गरज असून, त्यांचा आवश्यक रनरेट (RRR) २७.४ वर पोहोचला आहे.
मैदानावर सध्या कर्णधार मिचेल सँटनर ३६ धावांवर खेळत असला तरी, दुसऱ्या बाजूने त्याला कोणतीही साथ मिळत नाहीये. टीम इंडिया आता ऐतिहासिक विजयापासून अवघ्या २ विकेट्स दूर आहे. १ लाख ३२ हजार प्रेक्षकांनी आता विजयाचा जल्लोष सुरू केला असून, बुमराहच्या या स्पेलने भारताचं विश्वविजेतेपद जवळपास निश्चित केलं आहे.
📌 महत्वाच्या बातम्या
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
