Hardik Pandya: अहमदाबादच्या मैदानावर २५६ धावांच्या महाकाय डोंगराचा पाठलाग करताना न्यूझीलंडचे फलंदाज टीम इंडियाच्या गोलंदाजीसमोर अक्षरशः गुडघे टेकताना दिसत आहेत. अक्षर पटेल आणि बुमराहने दिलेल्या धक्क्यांनंतर आता अष्टपैलू हार्दिक पंड्याने किवींची उरली सुरली आशाही संपुष्टात आणली आहे.
हार्दिक पंड्याने आपल्या भेदक गोलंदाजीवर न्यूझीलंडच्या मार्क चॅपमनचा थेट त्रिफळाचीत (Bowled) करत गेम फिरवला आहे. दडपणाखाली खेळणाऱ्या चॅपमनला ८ चेंडूंत केवळ ३ धावा करता आल्या. या मोठ्या विकेटमुळे ७.४ षटकांनंतर न्यूझीलंडची अवस्था ४ बाद ७० धावा अशी अत्यंत बिकट झाली आहे.
एकीकडे विकेट्स पडत असताना सलामीवीर टिम सिफर्ट एकाकी झुंज देत आहे. सिफर्टने अवघ्या २४ चेंडूंत ५१ धावा कुटत आपले अर्धशतक पूर्ण केले आहे. मात्र, दुसऱ्या बाजूने साथ मिळत नसल्याने न्यूझीलंडवरचे दडपण वाढतच चालले आहे.
किवी संघाला आता विश्वचषक जिंकण्यासाठी उरलेल्या ७४ चेंडूंत तब्बल १८६ धावांची गरज असून, त्यांचा आवश्यक रनरेट (RRR) आता १५.१ वर पोहोचला आहे. हार्दिकच्या या धक्क्यानंतर आता टीम इंडियाच्या विजयाचा मार्ग मोकळा झाला असून, १ लाख ३२ हजार प्रेक्षक जल्लोषाच्या तयारीत आहेत.
📌 महत्वाच्या बातम्या
- Axar Patel: अक्षर पटेलचा फायनलमध्ये दुसरा वार! ग्लेन फिलिप्सची उडवली दांडी
- Jasprit Bumrah: बुमराहचा फायनलमध्ये पहिला धमाका! रचिन रवींद्र आऊट, न्यूझीलंडच्या हातातून मॅच निसटणार?
- Finn Allen: अक्षर पटेलने घेतला मोठा बदला! फायनलमध्ये न्यूझीलंडचा सर्वात घातक फलंदाज आऊट
बातम्यांसाठी YouTube चॅनेल Subscribe करा
Subscribe Now
