आयपीएल फायनलमध्ये (IPL 2026 Final) नाणेफेक जिंकणं खरोखरच विजयाची गॅरंटी असते का? अहमदाबादच्या नरेंद्र मोदी स्टेडियमवर आज आरसीबी आणि गुजरात टायटन्स भिडत असताना, टॉसच्या निकालानेच मैदानात मोठी धाकधूक वाढवली आहे.
आयपीएल २०२६ च्या या महाअंतिम थरारात आरसीबीचा कर्णधार रजत पाटीदारने नाणेफेकीचा कौल आपल्या खिशात घातला आहे. त्याने क्षणाचाही विलंब न लावता प्रथम गोलंदाजी करण्याचा मोठा निर्णय घेतला आणि गुजरातला थेट फलंदाजीचे आव्हान दिले.
RCB vs GT IPL 2026 Final Match
या निर्णयाबाबत बोलताना पाटीदारने स्पष्ट केले की, इथली खेळपट्टी उत्तम असून रात्री धावांचा पाठलाग करणे अधिक सोयीचे ठरेल. “आम्हाला गेल्या वर्षीच्या चांगल्या आठवणी आहेत, पण आज वर्तमानात राहून विजयासाठी सर्वस्व पणाला लावू,” असा ठाम विश्वास पाटीदारने व्यक्त केला. आरसीबीने आज जुन्याच ‘विनिंग कॉम्बिनेशन’वर भर दिला आहे.
दुसरीकडे, नाणेफेक गमावूनही गुजरातचा कर्णधार शुबमन गिल (Shubman Gill) अजिबात दबावात दिसला नाही. उलट त्याने एक मोठा गौप्यस्फोट करत सर्वांनाच धक्का दिला. “आम्ही टॉस जिंकलो असतो, तरी प्रथम फलंदाजीच निवडली असती,” असे गिलने अत्यंत आत्मविश्वासाने सांगितले.
सुरुवातीच्या काही षटकांमध्ये वेगवान गोलंदाजांना खेळपट्टीकडून नक्कीच थोडी मदत मिळेल, असा अंदाजही गिलने वर्तवला आहे. या हायव्होल्टेज सामन्यासाठी गुजरातने आपल्या संघात एक बदल केला असून साई किशोरला बाहेर बसवत अर्शद खानला मैदानात उतरवले आहे.
आतापर्यंतच्या आयपीएल इतिहासाची पाने उलटली तर एक रंजक आकडेवारी समोर येते. सूत्रांनी दिलेल्या माहितीनुसार, १८ हंगामांपैकी १० वेळा नाणेफेक जिंकणाऱ्या संघानेच जेतेपदाला गवसणी घातली आहे. पण उर्वरित ८ वेळा टॉस गमावणारे संघही चॅम्पियन ठरले आहेत.
गेल्या वर्षीच्या म्हणजेच २०२५ च्या फायनलचा इतिहास आरसीबीच्या नक्कीच लक्षात असेल. तेव्हा पंजाबने टॉस जिंकून प्रथम गोलंदाजी घेतली होती. पण प्रथम फलंदाजी करणाऱ्या आरसीबीनेच १९० धावांचा डोंगर उभा करून तो सामना ६ धावांनी खिशात घातला होता. त्यामुळे आज पाटीदारचा निर्णय योग्य ठरतो की गिलचा प्लॅन, याकडे संपूर्ण देशाचे लक्ष लागले आहे.
📌 महत्वाच्या बातम्या
- सचिन तेंडुलकरने दिला मोठा सल्ला, आयपीएलचे हे ३ नियम बदलताच गोलंदाजांचे नशीब पालटणार!
- रोहिणी खडसे कडाडल्या, लाडकी बहीण योजनेतून ८० लाख महिला बाद होताच थेट सरकारवर हल्लाबोल!
- आरसीबी आणि गुजरात फायनलसाठी आमनेसामने, पण पाऊस पडला तर चषक कोणाचा?
बातम्यांसाठी YouTube चॅनेल Subscribe करा
Subscribe Now
