‘आमच्यात १५ वर्षांचं अंतर…’, रुचितासोबतच्या नात्यावर विशाल कोटीयनने सोडलं मौन, म्हणाला…

🕒 1 min read

रिअॅलिटी शोमध्ये कधी कुणाचे सूर जुळतील आणि कधी नाती बदलतील, याचा काहीच नेम नसतो. नुकत्याच पार पडलेल्या ‘बिग बॉस मराठी ६’ (Bigg Boss Marathi) मध्येही असंच काहीसं पाहायला मिळालं. तन्वी कोलतेने या पर्वाची ट्रॉफी उचलली असली, तरी सर्वाधिक चर्चा रंगली ती विशाल कोटियन (Vishal Kotian) आणि रुचिता जामदार (Ruchita Jamdar) यांच्या ‘कथित’ लव्ह अँगलची. आता घराबाहेर आल्यावर विशालने या नात्यावर मौन सोडलंय.

बिग बॉसच्या घरात असताना या दोघांच्या प्रेमाच्या चर्चांना उधाण आलं होतं. रुचिताने एका एपिसोडमध्ये प्रेमाची कबुली दिल्यासारखं वक्तव्य केलं होतं, तर विशालनेही ती आवडत असल्याचं म्हटलं होतं. पण आता चित्र पूर्ण वेगळं आहे.

Vishal Kotian Bigg Boss

तो म्हणाला, “माझी आणि रुचिताची फक्त चांगली मैत्री होती. आमच्या वयात तब्बल १५ वर्षांचं मोठं अंतर आहे.” या दोघांमध्ये खरंच काही शिजत होतं का? या प्रश्नावर विशालने स्पष्ट शब्दांत नकार दिला. तो म्हणाला, “तिची पर्सनॅलिटी खूप वेगळी आहे. ती कधीच शुद्ध मराठी बोलायची नाही. चिपांटे, टवळे असे शब्द ती सर्रास वापरायची, जे मी माझ्या आयुष्यात कधीच ऐकले नव्हते. कारण मी मुळचा मुंबईचा आहे.  आमचा एकमेकांवर खूप विश्वास होता, पण आमच्यात कधीच लव्ह अँगल नव्हता.”

विशालच्या या स्पष्टीकरणामुळे आता चाहत्यांच्या भुवया उंचावल्या आहेत. विशेष म्हणजे, आठव्या आठवड्यात घराबाहेर पडलेल्या रुचितानेही याआधीच आपली भूमिका स्पष्ट केली होती.

“जेव्हा घरात संस्कृती आली, तेव्हा ती आपल्याला वेगळं करण्याचा प्रयत्न करतेय असं विशाल म्हणाला होता. पण आमच्यात मैत्रीपलीकडे दुसरं कोणतंच नातं नव्हतं,” असं रुचिताने स्पष्ट केलं होतं. त्यामुळे आता विशालच्या या ताज्या वक्तव्याने विशाल कोटियन आणि रुचिता जामदार यांच्या रिलेशनशिपच्या (Vishal Kotian And Ruchita Jamdar Relationship) सर्व चर्चांवर कायमचा पडदा पडला आहे.

📌 महत्वाच्या बातम्या

• संजू सॅमसनचा वानखेडेवर झंझावात; ‘त्या’ खेळीवर चक्क शशी थरुरांनी रचली कविता
• ऐश्वर्या नारकरांचा संताप अनावर; Video शेअर करत सांगितला घडलेला मोठा स्कॅम, म्हणाल्या……
• वानखेडेवर धोनीच्या चाहत्यांचा हिरमोड; ऋतुराजनेच केला ‘तो’ सर्वात मोठा खुलासा!

📈 लोकप्रिय बातम्या

रेवती सुळेंच्या शाही लग्नात दिग्गजांची मांदियाळी; पण पार्थ पवारांसोबत आलेल्या ‘त्या’ चेहऱ्याचीच सर्वाधिक चर्चा!

रेवती सुळेंच्या लग्नात पार्थ पवारांसोबत आलेली ‘ती’ काश्मिरी तरुणी कोण? सोशल मीडियावर चर्चांना उधाण

‘श्वेता तुमची खूप मोठी फॅन आहे…’; भर लग्नात जया बच्चन आणि संजय राऊतांचा ‘तो’ मराठी संवाद चर्चेत