Shreyas Talpade : बॉलिवूड अभिनेता श्रेयस तळपदे (Shreyas Talpade) गेल्या २० वर्षांपासून चित्रपटसृष्टीत कार्यरत आहे आणि त्याला चाहत्यांचे प्रचंड प्रेम मिळत आहे. अलीकडेच त्याचा ‘वेलकम टू द जंगल’ (Welcome to the Jungle) हा चित्रपट प्रदर्शित झाला आणि तो बॉक्स ऑफिसवर यशस्वी ठरला. विशेषतः त्याच्या अभिनयाचे चाहत्यांनी खूप कौतुक केले. मात्र, या चित्रपटाच्या चित्रीकरणादरम्यान श्रेयसला एका गंभीर वैद्यकीय समस्येचा सामना करावा लागला. डिसेंबर २०२३ मध्ये त्याला ‘कार्डियाक अरेस्ट’ (Cardiac Arrest) आला आणि त्याला रुग्णालयात दाखल करावे लागले. त्या घटनेबद्दल सांगताना श्रेयसने खुलासा केला. की, “माझ्या हृदयाचे ठोके १० मिनिटांसाठी थांबले होते…”
‘वेलकम टू द जंगल’च्या चित्रीकरणादरम्यान २०२३ मध्ये अभिनेता श्रेयस तळपदेला ‘कार्डियाक अरेस्ट’ आला, ज्यामुळे त्याला रुग्णालयात दाखल करावे लागले. चित्रीकरणादरम्यान त्याची प्रकृती खालावली आणि पत्नी त्याला रुग्णालयात नेत असताना तो बेशुद्ध पडला. अखेरीस डॉक्टरांनी त्याचे प्राण वाचवण्यात यश मिळवले आणि त्यानंतर त्याच्यावर शस्त्रक्रिया करण्यात आली.
श्रेयसचा मृत्यूशी झालेला संघर्ष
श्रेयस तळपदेने अलीकडेच या घटनेचा तपशील पुन्हा सांगितला. ‘कर्ली टेल्स’ (Curly Tales) या यूट्यूब चॅनेलला दिलेल्या मुलाखतीत अभिनेत्याने याला “दुसरे आयुष्य” असे संबोधले. या कठीण प्रसंगांनंतर त्याने आपल्या दैनंदिन जीवनशैलीत बदल केले. तो काळ स्वतःसाठी आणि आपल्या कुटुंबासाठी अत्यंत कठीण आणि धक्कादायक होता, असे त्याने मान्य केले.
“त्यानंतर माझे आयुष्य पूर्णपणे बदलले. पूर्वी मी कामालाच प्राधान्य देत होतो. ते माझ्यासाठी सर्वात महत्त्वाचे होते. मला काम करायचे आहे आणि कुटुंबासोबत चांगला वेळही घालवायचा आहे, पण त्या एका क्षणात सर्व काही बदलले. त्या १० मिनिटांत मी तांत्रिकदृष्ट्या मृत झालो होतो. माझ्या हृदयाचे ठोके थांबले होते. त्यांना मला पुन्हा जिवंत करावे लागले. अगदी चित्रपटात दाखवतात तसे.” त्यांनी सीपीआर (CPR) दिले आणि नंतर इलेक्ट्रिक शॉक देऊन माझे हृदय पुन्हा सुरू केले.
आयुष्यात कामच सर्वस्व नसते
श्रेयस तळपदेने सांगितले की, गाडीत असताना त्याला ‘कार्डियाक अरेस्ट’ आला. त्याच्या पत्नीने त्याला तातडीने रुग्णालयात नेले. सुदैवाने, ही घटना घडली तेव्हा तो रुग्णालयाच्या जवळच होता. त्याच्यावर त्वरित शस्त्रक्रिया करण्यात आली. तळपदेने सांगितले की, या क्षणामुळे त्याला जाणीव झाली की आयुष्यात कामच सर्वस्व नसते.
📌 महत्वाच्या बातम्या
- ONGC कडून RSS शी संबंधित संस्थांना ६७० कोटींचा निधी; सरकारी पैशांचा नेमका प्रवास काय?
- देवेंद्र फडणवीसांना सद्बुद्धी मिळो; फोडाफोडीच्या राजकारणावरून लक्ष्मण हाकेंचा थेट हल्लाबोल
- रोहित-विराटची संघर्षपूर्ण खेळी पाण्यात, लॉर्ड्सवर भारताचा पराभव; इंग्लंडचा वनडे मालिकेवर २-१ ने कब्जा
बातम्यांसाठी YouTube चॅनेल Subscribe करा
Subscribe Now
