🕒 1 min read
नेहमीच आपल्या अतरंगी कपड्यांमुळे आणि बेधडक विधानांमुळे वादाच्या भोवऱ्यात अडकणारी उर्फी जावेद आता चक्क धर्म बदलल्याच्या चर्चेमुळे हेडलाईन्समध्ये आली आहे. सोशल मीडियावर सध्या उर्फीने (Urfi Javed) धर्म बदलून तिचं नाव ‘रिता भारद्वाज’ ठेवल्याचा मोठा दावा केला जात आहे, पण यात तथ्य किती?
एका महिला डिजिटल क्रिएटरने व्हिडीओ शेअर करत उर्फीवर धर्मांतराचा आणि तिच्या कपड्यांवरून जोरदार टीका केली होती. स्वतःला पत्रकार म्हणवणाऱ्या या महिलेच्या दाव्यामुळे इंटरनेटवर एकच खळबळ उडाली. मात्र, आता स्वतः उर्फीने यावर मौन सोडलं असून त्या इन्फ्लुएंसरची चांगलीच कानउघडणी केली आहे.
Urfi Javed Religion
उर्फीने तिच्या अधिकृत सोशल मीडिया अकाऊंटवरून या महिलेसोबत झालेल्या संभाषणाचे थेट स्क्रीनशॉट्स शेअर केले आहेत. खोट्या बातम्या पसरवणाऱ्या या महिलेला सडेतोड उत्तर देत उर्फी म्हणाली, “कसे कसे लोक स्वतःला पत्रकार म्हणवतात. आंटी, तुम्ही प्लीज थोडा अभ्यास करा. मी कधीच माझा धर्म बदललेला नाही.”
पुढे ती म्हणाली, “मी कोणत्याही धर्मावर विश्वास ठेवत नाही. मी केवळ कपड्यांनीच नाही, तर माझ्या शब्दांनीही नग्न आहे. आज माझा मूड नाहीये. तुम्हाला माझ्यावर टीका करायची असेल तर बिनधास्त करा, पण अशा चुकीच्या गोष्टी आणि खोट्या बातम्या पसरवू नका.”
एवढंच नाही तर, या इन्फ्लुएंसरच्या मेकअपवरही उर्फीने बोचरी टीका केली. “तुमचा घाणेरडा मेकअप पाहून मला लाज वाटते. कुणालाही तुमची पर्वा नाही,” अशा जळजळीत शब्दांत उर्फीने आपला संताप व्यक्त केला आहे. उर्फीच्या या थेट स्पष्टीकरणामुळे आता धर्मांतराच्या या खोट्या चर्चांना पूर्णविराम मिळाला आहे.
📌 महत्वाच्या बातम्या
- सोन्या-चांदीच्या दरात एकाच दिवसात मोठी घसरण, जाणून घ्या तुमच्या शहरातील आजचे ताजे भाव!
- दुधाला चक्क २०० रुपये लिटरचा भाव! ५ लिटर दूध देणाऱ्या ‘या’ परदेशी शेळीने उघडले शेतकऱ्यांचे नशिबाचे दरवाजे
- हैदराबाद सनरायझर्सची मालकीण काव्या मारनचं लग्न ठरलं! ‘या’ प्रसिद्ध गायकासोबत बांधणार साताजन्माची गाठ
बातम्यांसाठी YouTube चॅनेल Subscribe करा
Subscribe Now
