🕒 1 min read
Satish Bhosale । मागील काही दिवसांपासून सतीश भोसलेने केलेले मारहाणीचे व्हिडिओ व्हायरल (Satish Bhosale Viral Video) झाले होते. यामुळे पोलिसांकडून त्याचा शोध घेतला जात होता. अखेर आज पोलिसांना त्याच्या मुसक्या आवळण्यात मोठे यश आले आहे.
पोलिसांनी दोन पथके नेमून त्याला उत्तर प्रदेशमधील प्रयागराज येथून अटक (Satish Bhosale Arrest) केली आहे. मागील आठवड्यापासून पोलिसांना गुंगारा देत असणाऱ्या सतीश भोसलेला पकडण्यात स्थानिक गुन्हे शाखेच्या पथकाला यश आले आहे. त्याला उद्यापर्यंत बीडमध्ये आणण्यात येईल.
त्याच्यावर बीड जिल्ह्यातील शिरूर पोलिस ठाण्यात दोन गंभीर गुन्हे दाखल करण्यात आले आहेत. मागील काही दिवसांपूर्वी सतीश भोसले पोलिसांना शरण येणार असल्याची चर्चा सुरु होती. तसेच तो अटकपूर्व जामिनासाठी अर्ज करणार होता.
परंतु, त्यापूर्वी प्रयागराज पोलिसांनी सतीश भोसले याला अटक केली आहे. याबाबत बीडचे पोलीस अधीक्षक नवनीत काँवत (Navneet Kanwat) यांनी माहिती दिली आहे. मस्साजोग या गावचे सरपंच संतोष देशमुख यांच्या हत्याप्रकरणानंतर बीडमधील कायदा व सुव्यवस्थेचे प्रश्न समोर आले आहेत.
Satish Bhosale Arrest in Prayagraj
दरम्यान, सतीश भोसले याच्यामुळे भाजपचे आमदार सुरेश धस (Suresh Dhas) यांच्यावर विरोधक निशाणा साधत आहेत. अशातच आता सतीश भोसले याला बीड पोलिसांकडे स्वाधीन केल्यानंतर त्याची पोलीस कसून चौकशी करू शकतात. चौकशीदरम्यान, आणखी कोणते खुलासे होतील? हे पाहणे महत्त्वाचे ठरते.
महत्त्वाच्या बातम्या :
- Sooryavansham फेम अभिनेत्रीचा मृत्यू की हत्या? तब्बल 22 वर्षांनी नवीन धक्कादायक माहिती समोर
- IPL 2025 पूर्वी ‘या’ स्टार खेळाडूंनी दिला संघांना झटका, दुखापतीमुळे खेळणार नाहीत सामने
- Flipkart सेलमधून Motorola चा ‘हा’ महागडा फोन खरेदी करा 20 हजारांपेक्षा स्वस्तात, पहा ऑफर
बातम्यांसाठी YouTube चॅनेल Subscribe करा
Subscribe Now
