सलमान खानचा ‘बिग बॉस’ आणि वाद हे जणू एक समीकरणच बनलंय. आता यंदाच्या विसाव्या सीजनमध्ये कोणकोणते मोहरे टीव्हीवर राडा घालणार, याची उत्सुकता तुम्हालाही लागलीये ना?
छोट्या पडद्यावरील या सर्वात मोठ्या रिॲलिटी शोच्या नव्या पर्वाची जोरदार तयारी सुरू झालीय. मीडिया रिपोर्ट्सनुसार, येत्या २१ सप्टेंबर रोजी खुद्द भाईजान सलमान खान ‘बिग बॉस २०’ (Bigg Boss 20) च्या शूटिंगचा श्रीगणेशा करणार आहे.
Bigg Boss 20 Contestants
सूत्रांनी दिलेल्या माहितीनुसार, यंदाच्या सीजनसाठी स्पर्धकांची एक तगडी संभाव्य यादी समोर आली आहे. यात सोशल मीडियावरील ओळखीचे चेहरे आणि काही वादग्रस्त नावांचा समावेश आहे. सर्वांचं लक्ष वेधून घेणारं नाव म्हणजे आपल्या अतरंगी फॅशनसाठी ओळखली जाणारी मॉडेल उर्फी जावेद; ती या शोमध्ये धमाकेदार एंट्री घेऊ शकते.
दुसरीकडे, ‘कच्चा बदाम’ फेम अंजली अरोरा आणि प्रसिद्ध कंटेंट क्रिएटर फैसल शेख यांचीही नावे आघाडीवर आहेत. तसेच, सध्या चर्चेत असलेला अरबाज पटेल आणि भाव्या सिंह यांच्या नावाचीही टीव्ही वर्तुळात जोरदार चर्चा रंगली आहे.
या दिग्गज नावांसोबतच सेंटी शर्मा, रिद्धिमा गुप्ता, जन्नत जुबैर, भागीरथ भट्ट, रुरु ठाकूर, आवेज दरबार आणि तुषार करवार यांनाही विचारणा झाल्याचं बोललं जातंय.
अद्याप या नावांवर चॅनेलकडून कोणतीही अधिकृत पुष्टी झालेली नाही. याबाबत अधिक माहिती हाती आल्यावर बातमी अपडेट केली जाईल. पण जर हीच मंडळी घरात गेली, तर यंदाचा सीजन चांगलाच गाजणार हे नक्की!
📌 महत्वाच्या बातम्या
- पंजाबराव डख यांची मोठी भविष्यवाणी; यंदा दुष्काळ नाही तर तुफान पाऊस कोसळणार, पाहा तुमच्या भागात कधी येणार मान्सून?
- मुख्यमंत्री विजय यांची मोठी घोषणा; तमिळनाडूतील लाखो शेतकऱ्यांची ७५ हजारांपर्यंतची कर्जमाफी थेट लागू!
- साताऱ्यातील वादावर पडदा! एकनाथ शिंदेंचा थेट आदेश, शंभूराज देसाई आता ‘तो’ वचपा काढणार का?
बातम्यांसाठी YouTube चॅनेल Subscribe करा
Subscribe Now
