Rishabh Pant | “मी सगळ्यांचा आभारी…” ; भीषण अपघातानंतर ऋषभ पंतची पहिली प्रतिक्रिया

Rishabh Pant | टीम महाराष्ट्र देशा: भारतीय संघातील स्टार यष्टीरक्षक फलंदाज ऋषभ पंत (Rishabh Pant) च्या गाडीचा 30 डिसेंबर 2022 रोजी भीषण अपघात झाला होता. या अपघातामध्ये तो गंभीर जखमी झाला होता. या अपघातानंतर ऋषभ पंतने पहिली प्रतिक्रिया दिली आहे. त्याने ट्विट करून बीसीसीआय आणि चाहत्यांचे मनापासून आभार मानले आहे.

स्टार क्रिकेटपटू ऋषभ पंत याचा गेल्या महिन्यात कार अपघात झाला होता. या अपघातानंतर त्याच्यावर डेहरादून येथील मॅक्स रुग्णालयात उपचार करण्यात आले होते. त्यानंतर त्याला शस्त्रक्रियेसाठी आणि पुढील उपचारासाठी मुंबईतील रुग्णालयात दाखल करण्यात आले होते. दरम्यान, त्याच्या पुनरागमानाबाबत आणि रिकव्हरीबद्दल रिपोर्ट्समध्ये वेगवेगळी माहिती समोर येत होती. अशा परिस्थितीत स्वतः पंतने त्याच्या प्रकृती आणि शस्त्रक्रियेबद्दल अपडेट दिली आहे. त्याने ट्विटरच्या माध्यमातून आपल्या प्रकृतीबद्दल अपडेट दिली आहे.

ट्विट करत ऋषभ पंत म्हणाला, “सर्वांच्या शुभेच्छांसाठी आणि पाठिंब्यासाठी मी मनापासून आभारी आहे. माझी शस्त्रक्रिया यशस्वीरित्या पार पडली आहे. पुढील आव्हानांसाठी मी तयार आहे. बीसीसीआय, जय शहा आणि सरकारी अधिकाऱ्यांचे देखील मी मनापासून आभार मानत आहे.”

I am humbled and grateful for all the support and good wishes. I am glad to let you know that my surgery was a success. The road to recovery has begun and I am ready for the challenges ahead.
Thank you to the @BCCI , @JayShah & government authorities for their incredible support.

— Rishabh Pant (@RishabhPant17) January 16, 2023

त्याचबरोबर ऋषभ पंतने ट्विटरच्या माध्यमातून चाहते, सहकारी, डॉक्टर आणि फिजिओ आदींचे आभार मानले आहे. ऋषभ पंत सध्या मुंबईत वैद्यकीय पथकाच्या देखरेखीखाली आहे. त्याच्या प्रकृतीमध्ये दिवसेंदिवस सुधारणा होत आहे. मुंबईमध्ये त्याच्या गुडघ्यावर शस्त्रक्रिया करण्यात आली आहे.

From the bottom of my heart, I also would like to thank all my fans, teammates, doctors and the physios for your kind words and encouragement. Looking forward to see you all on the field. #grateful #blessed

— Rishabh Pant (@RishabhPant17) January 16, 2023

ऋषभ पंत 30 डिसेंबर रोजी सकाळी आपल्या आईला भेटण्यासाठी निघाला होता. दरम्यान, हम्मादपुर झाल जवळ रुरकीच्या नरसन सीमेवर वळण घेत असताना त्याच्या कारचा अपघात झाला. त्यानंतर त्याच्या गाडीला आग लागली होती. या कार अपघातामध्ये तो गंभीर जखमी झाला होता. अपघातानंतर त्याला लगेच डेहरादून येथील मॅक्स रुग्णालयात दाखल करण्यात आले होते.

महत्वाच्या बातम्या

• Weather Update | राज्यात ‘या’ ठिकाणी वाढली थंडी, आठवडाभर राहणार मुक्काम
• Kirit Somaiyya | “त्यांच्यात हिंमत असेल तर त्यांनी…”; किरीट सोमय्यांचं शरद पवारांना ओपन चॅलेंज
• Sanjay Raut | “विरोधकांचं ऐक्य वगैरे अशा शब्दांना महत्व देऊन आतापर्यंत त्याग करत आलो, पण आता…”- संजय राऊत
• Shubhangi Patil | “कुणीही मुद्दामून नॉट रीचेबल होत नाही, वेळ आल्यावर…”; शुभांगी पाटील नेमकं काय म्हणाल्या?
• Narayan Rane | “शिवसेनेवर भुकंण्यासाठी नारायण राणे यांना भाजपचं मंत्रिपद”; शिवसेनेची जहरी टीका