🕒 1 min read
अहमदाबादचं नरेंद्र मोदी स्टेडियम आणि भारतीय चाहत्यांचे तुटलेले हृदय… हे दुष्टचक्र कधी थांबणार? असा प्रश्न आता प्रत्येक क्रिकेटप्रेमीला पडलाय.
२०२३ च्या वनडे वर्ल्ड कप फायनलची भळभळती जखम ताजी असतानाच, पुन्हा एकदा याच मैदानावर भारतीयांची घोर निराशा झाली आहे. ICC T20 World Cup 2026 च्या अत्यंत महत्त्वाच्या Ind vs SA Super 8 सामन्यात दक्षिण आफ्रिकेने टीम इंडियाला ७६ धावांनी चारही मुंड्या चित केलंय. लाखो प्रेक्षकांनी भरलेल्या स्टेडियममध्ये अक्षरशः सन्नाटा पसरला होता.
Ind vs SA T20 World Cup
नाणेफेक गमावून प्रथम फलंदाजीला आलेल्या आफ्रिकेची सुरुवात बुमराह आणि अर्शदीपने खराब केली होती. अवघ्या २० धावांत ३ बळी असा त्यांचा उडता धुव्वा उडाला होता. बुमराहने डी कॉक (६) आणि रिकेल्टनला (७) बाद केलं, तर अर्शदीपने मार्करमला पॅव्हेलियनचा रस्ता दाखवला. पण त्यानंतर डेवाल्ड ब्रेविस आणि डेव्हिड मिलर यांनी भारताच्या हातून सामना हिरावून घेतला.
मिलरने अवघ्या ३५ चेंडूत तुफानी ६३ धावा ठोकल्या, तर ब्रेविसने ४५ धावांची आक्रमक खेळी केली. शेवटी ट्रिस्टन स्टब्सच्या नाबाद ४४ धावांच्या झंझावाती खेळीमुळे आफ्रिकेने १८७ धावांचा डोंगर उभा केला. भारताकडून बुमराहने सर्वाधिक ३, तर अर्शदीपने २ बळी घेतले.
१८८ धावांच्या मोठ्या लक्ष्याचा पाठलाग करताना भारतीय फलंदाजांनी अक्षरशः नांगी टाकली. पॉवरप्लेमध्येच ३१ धावांवर ३ विकेट्स गेल्याने भारताचा डाव सावरलाच नाही. ईशान किशन शून्यावर आऊट झाला, तर तिलक वर्मा आणि अभिषेक शर्माही स्वस्तात परतले. मधल्या फळीत वॉशिंग्टन सुंदर (११) आणि हार्दिक पांड्या (१८) यांनीही पूर्णपणे निराशा केली.
संपूर्ण डावात फक्त शिवम दुबेने ३७ चेंडूत ४२ धावांची एकाकी झुंज दिली. पण संपूर्ण संघ अवघ्या १११ धावांवर गारद झाला. या दारुण पराभवाने क्रिकेट वर्तुळात मोठी खळबळ उडाली असून टीम इंडियाची सेमीफायनलची वाट आता बिकट झाली आहे. पुढचे झिम्बाब्वे (२६ फेब्रुवारी, चेन्नई) आणि वेस्ट इंडिज (१ मार्च, कोलकाता) विरुद्धचे सामने आता भारतासाठी ‘करो या मरो’ असणार आहेत.
📌 महत्वाच्या बातम्या
- शिखर धवन ४०व्या वर्षी दुसऱ्यांदा चढला बोहल्यावर; ‘ही’ विदेशी सुंदरी झाली भारताची सून!
- मलायका अरोरा पुन्हा प्रेमात? १९ वर्षांनी लहान हिरे व्यापाऱ्याच्या मिठीत; ‘त्या’ व्हायरल फोटोने इंटरनेटवर खळबळ!
- दीपाली सय्यदच्या कुटुंबावर दुःखाचा डोंगर; घरच्यांनी लपवलं सत्य, अभिनेत्रीचा नवरा म्हणाला…
बातम्यांसाठी YouTube चॅनेल Subscribe करा
Subscribe Now
