🕒 1 min read
क्रिकेटच्या मैदानात आपल्या धडाकेबाज खेळीने भल्याभल्या गोलंदाजांना घाम फोडणाऱ्या ‘गब्बर’ने आता आयुष्याच्या एका नव्या इनिंगला सुरुवात केलीये. होय, तुम्ही अगदी बरोबर वाचलंय!
भारतीय संघाचा माजी स्टार सलामीवीर शिखर धवन (Shikhar Dhawan) वयाच्या ४०व्या वर्षी दुसऱ्यांदा बोहल्यावर चढला आहे. आयर्लंडची लेक असलेली सोफी शाईन आता अधिकृतपणे भारताची सून झाली आहे. स्वतः शिखरनेच इन्स्टाग्रामवर फोटो शेअर करत चाहत्यांना हा सुखद धक्का दिलाय.
Shikhar Dhawan Marriage
‘मिस्टर अँड मिसेस धवन’ अशी गोड कॅप्शन देत शिखरने लग्नाचे काही अतिशय सुंदर फोटो पोस्ट केले आहेत. फुलांनी सजलेल्या भव्य स्टेजवर, पांढऱ्या रंगाच्या आकर्षक आऊटफिटमध्ये दोघेही डान्स करताना दिसत आहेत. विशेष म्हणजे, शिखर सोफीच्या भांगात कुंकू भरत असल्याचा फोटो सध्या सोशल मीडियावर तुफान व्हायरल होतोय.
पण ही विदेशी सुंदरी सोफी शाईन नेमकी आहे तरी कोण? सोफीचा जन्म जून १९९० मध्ये आयर्लंडमधील लिमरिक येथे झाला. ती केवळ दिसायलाच सुंदर नाही, तर अबू धाबीमधील एका प्रतिष्ठित कंपनीत ती सेकंड व्हाईस प्रेसिडेंट म्हणून मोठ्या हुद्द्यावर काम करते.
हे दोघे गेल्या काही काळापासून एकमेकांना डेट करत असल्याच्या बातम्या होत्या. चॅम्पियन्स ट्रॉफी २०२५ दरम्यान त्यांना पहिल्यांदा एकत्र स्पॉट केलं गेलं, आणि तेव्हापासूनच या नात्याची जोरदार चर्चा होती. अखेर शिखरच्या वाढदिवशी सोफीने स्वतः एक पोस्ट करत या नात्याची जाहीर कबुली दिली होती. आता या नव्या पर्वासाठी गब्बरवर जगभरातून अभिनंदनाचा वर्षाव होत आहे.
📌 महत्वाच्या बातम्या
- मलायका अरोरा पुन्हा प्रेमात? १९ वर्षांनी लहान हिरे व्यापाऱ्याच्या मिठीत; ‘त्या’ व्हायरल फोटोने इंटरनेटवर खळबळ!
- दीपाली सय्यदच्या कुटुंबावर दुःखाचा डोंगर; घरच्यांनी लपवलं सत्य, अभिनेत्रीचा नवरा म्हणाला…
- ‘मला बॉलिवूड सोडायचं नव्हतं, पण…’; प्रियांका चोप्राच्या ‘त्या’ एका वक्तव्याने खळबळ!
बातम्यांसाठी YouTube चॅनेल Subscribe करा
Subscribe Now
