मुंबई : टीम इंडियाचा (India Team) आक्रमक फलंदाज आणि यष्टिरक्षक इशान किशन (Ishan Kishan) अलीकडेच पाटण्यातील आरबीआयच्या (RBI) शाखेत दिसून आला. कार्यालयातील त्याचे फोटो सोशल मीडियावर व्हायरल झाले आहेत. या फोटोंमध्ये तो आरबीआयचे ओळखपत्र (ID card) लावून कर्मचाऱ्यांसोबत फोटो काढताना दिसत आहे. मात्र, त्याला एका कर्मचाऱ्याच्या भूमिकेत पाहून चाहत्यांना खरोखरच आश्चर्य वाटले. तर आता इशान या शाखेत काय करतोय, याबद्दलचीही माहिती समोर आली आहे.
इशान किशन हा आरबीआयचा कर्मचारी आहे. अनेकांना त्याच्या या सरकारी नोकरीबद्दल माहिती नव्हती, त्यामुळे ही बाब समोर आल्यावर सर्वांनाच आश्चर्य वाटले. इशान रिझर्व्ह बँक ऑफ इंडियामध्ये ‘सहाय्यक व्यवस्थापक’ (Assistant Manager) या पदावर कार्यरत आहे. २०१७ मध्ये ‘स्पोर्ट्स कोटा’ (क्रीडा कोट्या) अंतर्गत त्याची या पदावर नियुक्ती करण्यात आली होती.
Ishan Kishan RBI assistant manager
निवडीच्यावेळी तो अवघ्या १८ वर्षांचा होता आणि एक उदयोन्मुख क्रिकेटपटू होता. त्याने ‘डी.वाय. पाटील ट्रॉफी’ (D.Y. Patil Trophy) सारख्या देशांतर्गत स्पर्धांमध्ये आरबीआयचे प्रतिनिधित्व केले आहे. जेव्हा जेव्हा त्याच्या व्यस्त वेळापत्रकातून वेळ मिळतो, तेव्हा इशान बँकेला आवर्जून भेट देतो.
रिझर्व्ह बँक ऑफ इंडियामध्ये ‘सहाय्यक व्यवस्थापक’ (Assistant Manager) म्हणून काम करताना ईशान किशनला किती पगार मिळतो, याबद्दल अनेकांना उत्सुकता आहे. आरबीआयच्या पाटणा शाखेत सहाय्यक व्यवस्थापक या पदावर काम करताना, ईशान किशनचा मासिक पगार १ लाख ते १.४ लाख रुपयांच्या दरम्यान असू शकतो.
📌 महत्वाच्या बातम्या
- किशोरी पेडणेकरांचा पलटवार; ‘टेंडर मागे घेण्यावरून तुमची बालबुद्धी दिसते’
- एकनाथ शिंदेंचे मोठे आदेश; सिद्धिविनायक मंदिराच्या देणग्यांचे विशेष ऑडिट होणार
- Nitin Gadkari: मुंबई उच्च न्यायालयाचा मोठा निर्णय, डीपफेक व्हिडिओ हटवण्याचे आदेश
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
