🕒 1 min read
सोनं खरेदीचा विचार करताय? तर खिशाला थोडी जास्त झळ सोसायची तयारी आत्ताच ठेवा. कारण सराफा बाजारात आज पुन्हा एकदा मोठी खळबळ उडाली आहे. सोन्या-चांदीच्या दरात (Gold Rate Today) एकाच दिवसात एवढी मोठी वाढ झालीय, की सामान्य ग्राहकांना अक्षरशः घाम फुटलाय.
गुरुवारी, १९ फेब्रुवारी २०२६ रोजी दुपारी सव्वा बारा वाजता ‘इंडियन बुलियन अँड ज्वेलर्स असोसिएशन’ने (IBJA) सोन्या-चांदीचे नवीन दर जाहीर केले. त्यानुसार, Gold Rate मध्ये मोठी उसळी पाहायला मिळाली. २४ कॅरेट सोन्याचा भाव तब्बल ३,१५१ रुपयांनी वाढून १,५४,७३५ रुपये (जीएसटीविना) प्रति १० ग्रॅमवर पोहोचला आहे. तर ३ टक्के जीएसटीसह हाच दर आता १,५९,३७७ रुपयांवर गेलाय.
Gold Silver Rate Hike
फक्त सोनंच नाही, तर चांदीनेही ग्राहकांच्या खिशाला जोरदार कात्री लावलीय. चांदीच्या दरात एका झटक्यात ८,४३२ रुपयांची वाढ झाली आहे. त्यामुळे एक किलो चांदीसाठी आता (जीएसटीविना) २,४५,२३० रुपये मोजावे लागतील. विशेष म्हणजे, जीएसटीसह चांदीचा दर आता अडीच लाखांच्या पार गेला आहे.
याशिवाय, २२ कॅरेट सोन्याचा दरही २,८८६ रुपयांनी वाढून १,४१,७३७ रुपये (जीएसटीविना) झाला आहे. आंतरराष्ट्रीय बाजारात मात्र थोडं वेगळं चित्र पाहायला मिळतंय. तिथे स्पॉट सिल्व्हर ०.५ टक्क्यांनी घसरून ७६.८३ डॉलर प्रति औंसवर आलंय आणि गुंतवणूकदारांचे लक्ष आगामी आर्थिक आकडेवारीकडे लागले आहे.
दरात एवढी वाढ झाली असली, तरी ग्राहकांसाठी एकच दिलासादायक गोष्ट आहे. ती म्हणजे, सोने अजूनही त्याच्या सर्वोच्च पातळीवरून (१,७६,१२१ रुपये) जवळपास २१,३८६ रुपयांनी स्वस्त आहे. पण आगामी काळात हे दर आणखी भडकणार की दिलासा मिळणार? याकडे आता सर्वांचे डोळे लागले आहेत.
📌 महत्वाच्या बातम्या
- ‘हिरव्या पोळी’ने बदललं नशीब! शून्यातून उभं केलं 10 वर्षांचं साम्राज्य, काय आहे ‘प्रसिका’ची Inside Story?
- हार्दिक पांड्याचं दुसरं प्रेम: मध्यरात्री शेअर केला ‘तो’ बोल्ड फोटो; विश्वचषकातच उडाली मोठी खळबळ!
- “हे आहेत नेते अन् ही आहे आपली लायकी….”; आस्ताद काळेचा भाजप नेत्यावर संताप; व्हिडीओ शेअर करत म्हणाला….
बातम्यांसाठी YouTube चॅनेल Subscribe करा
Subscribe Now
