सोने-चांदी खरेदीची घाई करताय? आंतरराष्ट्रीय घडामोडींमुळे सोने-चांदीच्या दरात मोठी उलथापालथ, जाणून घ्या आजचे भाव

🕒 1 min read

लग्नसराईची खरेदी असो की भविष्यातील सुरक्षित गुंतवणूक, तुम्हीही सोन्याचे भाव (Gold Price Today) कधी कमी होतात याचीच वाट पाहत आहात ना? आज सराफा बाजारात गेलेल्या ग्राहकांना दरांमध्ये मोठे चढ-उतार पाहायला मिळत आहेत.

आज, बुधवार २४ जून रोजी सोने आणि चांदीच्या (Silver Rate) किमतींमध्ये मोठी उलथापालथ झाली आहे. आंतरराष्ट्रीय पातळीवरील घडामोडी आणि जागतिक बाजारात मजबूत होत चाललेला डॉलर, यामुळे भारतीय सराफा बाजारात चांदीच्या दरात लक्षणीय घसरण झाली आहे. तर सोन्याचे भावही काही शहरांमध्ये किंचित खाली आले आहेत.

Gold Price Today

सध्या देशात २४ कॅरेट शुद्ध सोन्याचा दर साधारणपणे १,४४,००० ते १,४६,००० रुपये प्रति १० ग्रॅमच्या घरात आहे. तर, दागिन्यांसाठी सर्वाधिक वापरल्या जाणाऱ्या २२ कॅरेट सोन्यासाठी ग्राहकांना साधारण १,३२,००० रुपये मोजावे लागत आहेत. राज्याची राजधानी मुंबईचा विचार केल्यास तिथे २४ कॅरेट सोन्याचा भाव १,४७,५०० रुपयांवर पोहोचला आहे, तर २२ कॅरेटसाठी १,३५,३०० रुपये मोजावे लागत आहेत.

देशातील इतर प्रमुख शहरांमध्येही बाजाराची हीच स्थिती आहे. चेन्नईमध्ये २४ कॅरेट सोन्याचा दर सर्वाधिक म्हणजे १,४८,००० रुपयांवर आहे. दिल्ली आणि कोलकात्यात हाच दर अनुक्रमे १,४७,००० आणि १,४७,४०० रुपये प्रति १० ग्रॅमवर स्थिरावला आहे. नोएडा आणि पाटणामध्येही सोन्याचे भाव १,४५,००० ते १,४६,००० रुपयांच्या घरात पाहायला मिळत आहेत.

दुसरीकडे, चांदीच्या दरात झालेली मोठी घसरण गुंतवणूकदारांसाठी चर्चेचा विषय ठरत आहे. आज बाजारात १ किलो चांदीचा दर थेट २,४५,००० रुपयांच्या आसपास आला आहे. सूत्रांनी दिलेल्या माहितीनुसार, जागतिक तणावाचा हा थेट परिणाम आहे. त्यामुळेच बाजारात सध्या कमालीची अस्थिरता आहे.

तुम्ही जर आज सोने खरेदीला जात असाल, तर केवळ दुकानातील पाटीवरची किंमत पाहून फसू नका. कायम BIS हॉलमार्क (Hallmark) असलेलेच सोने खरेदी करा. शिवाय, बिलावर मेकिंग चार्जेस आणि जीएसटी (GST) किती लावलाय, याचा हिशोब नक्की तपासा. गुंतवणुकीचा विचार असल्यास २४ कॅरेट, तर दागिन्यांसाठी २२ कॅरेट सोने सर्वोत्तम ठरते.

📌 महत्वाच्या बातम्या

• पंजाबराव डख यांचा हाय अलर्ट! पुढच्या २४ तासांत ‘या’ १७ जिल्ह्यांत पाऊस घालणार धुमाकूळ
• Maharashtra Rain Alert: पुढील 24 तासांत राज्यात पावसाचा धुमाकूळ; 17 जिल्ह्यांना हाय अलर्ट
• विद्या बालनची ‘हास्यजत्रे’तील ओंकार भोजनेच्या स्कीटवर रील! व्हिडिओवर स्टार्सच्या भन्नाट कमेंट्स

📈 लोकप्रिय बातम्या

रेवती सुळेंच्या शाही लग्नात दिग्गजांची मांदियाळी; पण पार्थ पवारांसोबत आलेल्या ‘त्या’ चेहऱ्याचीच सर्वाधिक चर्चा!

रेवती सुळेंच्या लग्नात पार्थ पवारांसोबत आलेली ‘ती’ काश्मिरी तरुणी कोण? सोशल मीडियावर चर्चांना उधाण

‘श्वेता तुमची खूप मोठी फॅन आहे…’; भर लग्नात जया बच्चन आणि संजय राऊतांचा ‘तो’ मराठी संवाद चर्चेत