नाशिक: छगन भुजबळ यांच्याबद्दल एका बनावट व्हिडिओद्वारे त्यांच्या निधनाची खोटी बातमी पसरवण्यात आल्याने मोठी खळबळ उडाली आहे. “मंत्री छगन भुजबळ ( Chhagan Bhujbal ) यांचे हृदयविकाराच्या झटक्याने निधन” अशा मथळ्याखाली हा व्हिडिओ युट्युबवर व्हायरल करण्यात आला होता. विशेष म्हणजे, या व्हिडिओमध्ये एका वृत्तवाहिनीचा लोगो वापरण्यात आल्याने अनेक नागरिकांची दिशाभूल झाली.
नाशिक शहर आयुक्तालयाच्या सोशल मीडियावर लक्ष ठेवणाऱ्या पथकाला हा आक्षेपार्ह व्हिडिओ निदर्शनास आला. तपासणीअंती असे समोर आले की, हा व्हिडिओ श्रीमती रंजनीताई बोरस्ते यांच्या निधनासंबंधी होता, ज्यात छगन भुजबळ ( Chhagan Bhujbal ) यांनी श्रद्धांजली वाहिली होती. मात्र, अज्ञात संशयिताने मुद्दाम भुजबळ यांच्या निधनाची खोटी टॅगलाईन वापरून हा व्हिडिओ शनिवारी रात्री साडेनऊच्या सुमारास युट्युबवर अपलोड केला. ही बनावट पोस्ट सुमारे सव्वा लाख लोकांपर्यंत पोहोचली, ज्यामुळे समाजात मोठा संभ्रम निर्माण होऊन अफवा पसरली.
Chhagan Bhujbal Fake Death News
याप्रकरणी @Nana127tv या युट्युब चॅनेलविरोधात शहर सायबर पोलीस ठाण्यात गुन्हा दाखल करण्यात आला आहे. पोलिसांकडून या प्रकरणाचा सखोल तपास सुरू आहे. सोशल मीडियावर अशा प्रकारे दिशाभूल करणारी आणि खळबळजनक माहिती पसरवणाऱ्यांविरोधात कडक कारवाई केली जाईल.
नागरिकांनी सोशल मीडियावर येणाऱ्या अशा कोणत्याही माहितीची खातरजमा करूनच त्यावर विश्वास ठेवावा आणि अफवांना बळी पडू नये, असे आवाहनही सायबर पोलिसांनी केले आहे.
📌 महत्वाच्या बातम्या
- “धनंजय मुंडे तुमचं फक्त 5 टक्के काढलंय, आणखी काढलं तर 1500 दिवस घरात लपून बसाल!”
- एसटी प्रवाशांना खुशखबर: आगाऊ आरक्षणावर तिकिटात 15% सूट, 1 जुलैपासून अंमलबजावणी
- डिझेलचे टेन्शन विसरा! आता फक्त दीड लाखात इलेक्ट्रिक ट्रॅक्टर तुमचा, सरकारचा सर्वात मोठा निर्णय!
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
