Jayakumar Gore । ग्रामविकास मंत्री आणि भाजपचे मंत्री जयकुमार गोरे सध्या चांगलेच अडचणीत आले आहेत. महिलेला विवस्त्र फोटो (Jayakumar Gore Photo Controversy) पाठवल्याचा आरोप करत विरोधक त्यांच्या राजीनाम्याची मागणी करत आहेत. यावरून राजकीय वातावरण चांगलेच पेटले आहे.
आरोप झाल्यानंतर जयकुमार गोरे यांनी माध्यमांशी संवाद साधत याप्रकरणी आपली भूमिका स्पष्ट केली आहे. “2017 साली एक गुन्हा दाखल झाला होता. 2017 साली विधान परिषदेच्या निवडणूकीनंतर नगरपालिकेची निवडणूक होती. निवडणुकीच्या दोन दिवसांपूर्वी माझ्यावर एक गुन्हा दाखल झाला आणि त्यावर ट्रायल होऊन 2019 साली त्याचा निकाल लागला. त्यात कोर्टाने मला निर्दोष मुक्त केले आहे,” असे जयकुमार गोरे यांनी स्पष्टीकरण दिले आहे. (Jaykumar Gore nude photos)
“त्यावेळी जप्त करण्यात आलेला मुद्देमाल, फोन हे नष्ट करण्याचा आदेश त्याचवेळी कोर्टाकडून देण्यात आला होता. विरोधकांनी सहा वर्षांपूर्वीचं हे प्रकरण पुन्हा उकरून काढले असून वडिलांच्या निधनानंतर त्यांचे अस्थिविसर्जनही मला करू दिले नाही. विरोधकांनी खालच्या पातळीचे राजकारण केले आहे,” असा गंभीर आरोप गोरे यांनी केला आहे.
“मी अजूनही त्या महिलेला त्रास देत आहे, असा आरोप माझ्यावर केला जात आहे. जर मी या महिलेला त्रास दिला असेल तर पोलिसांनी चौकशी करा. जर या तपासामध्ये मी किंवा संबंधित महिला जो कोणी दोषी असेल तर कारवाई करावी,” अशी मागणी देखील जयकुमार गोरे यांनी केली आहे.
Jaykumar Gore Responds on Renewed Allegations
पुढे ते म्हणाले की, “ज्यांनी माझ्यावर आरोप केले, त्या प्रत्येकावर मी आजच सभागृहात हक्कभंग प्रस्ताव आणणार आहे. त्याशिवाय ज्यांनी माझी बदनामी केली त्या संबधितांवर मी अब्रुनुकसानीचा खटला दाखल करणार आहे,” असा इशारा जयकुमार गोरे यांनी दिला आहे.
महत्त्वाच्या बातम्या :
- नामदेव शास्त्रींनी सोडली Dhananjay Munde यांची साथ? ‘त्या’ वक्तव्यावरून चर्चांना उधाण
- David Warner ला IPL 2025 लिलावात झटका, पण दक्षिण चित्रपटसृष्टीत एंट्री निश्चित
- ‘ते’ वक्तव्य अजाणतेपणामुळे! संतोष देशमुख हत्याप्रकरणी Namdev Shastri यांची मोठी मागणी
बातम्यांसाठी YouTube चॅनेल Subscribe करा
Subscribe Now
