🕒 1 min read
Sanjay Raut । संतोष देशमुख हत्याप्रकरणामध्ये (Santosh Deshmukh murder case) भाजप आमदार सुरेश धस (Suresh Dhas) यांनी सुरुवातीपासून आक्रमक भूमिका घेत मंत्री धनंजय मुंडे (Dhananjay Munde) यांच्यावर गंभीर आरोप केले होते. परंतु, सुरेश धस आणि धनंजय मुंडे यांची गुप्तबैठक झाल्याची माहिती समोर येताच राजकीय वर्तुळात मोठी खळबळ उडाली आहे.
धस-मुंडे भेटीवरून खासदार संजय राऊत यांनी निशाणा साधला आहे. “संतोष देशमुख हत्या प्रकरणात सुरेश धस हे देशमुख कुटुंबीयांना न्याय देतील, असे वाटत होते. त्यावेळी मला लोकांनी समजावले होते की तुम्ही धसांची बाजू घेऊ नका. ते कधीही पलटी मारू शकतात. मुंडे, धस आणि वाल्मिक कराड (Walmik Karad) एकच असून लढाई त्यांच्या स्वार्थाची आहे. दुर्दैवाने हे सत्य होताना पाहायला मिळत आहे,” असा आरोप राऊत यांनी केला आहे.
“एका विद्यमान आमदाराने संतोष देशमुख यांच्या कुटुंबियांच्या अश्रूंचा बाजार मांडून व्यापार केला आहे. ती बिचारी लहान मुले धसांच्या मागे धावत होती की, हा माणूस आम्हाला न्याय देऊ शकतो. धस यांनी हे कृत्य केले असेल तर देव त्यांना क्षमा करणार नाही,” असा दावा राऊत यांनी केला आहे.
Sanjay Raut on Suresh Dhas, Dhananjay Munde and Walmik Karad
पुढे राऊत म्हणाले की, “जर धस यांनी असा खोटारडेपणा करून देशमुख कुटुंबियांच्या पाठीत खंजीर खुपसला असेल तर हे राज्याची जनता लक्षात ठेवेन. तुम्ही जे कृत्य केलेले आहे ते पाप आहे आणि त्या पापाला क्षमा नाही,” असे संजय राऊत यांनी स्पष्ट केले.
दरम्यान, धनंजय मुंडे यांनी आपण उपमुख्यमंत्री अजित पवार (Ajit Pawar) यांच्याशिवाय इतर कोणालाही भेटलो नसल्याची माहिती दिली आहे. तरीही राजकीय वर्तुळात सुरेश धस आणि धनंजय मुंडे यांच्या भेटीवरून जोरदार चर्चा सुरु झाल्या आहेत.
महत्त्वाच्या बातम्या :
- बावनकुळेंनीच मुद्दाम घडवली Suresh Dhas आणि धनंजय मुंडेंची भेट? संतप्त मस्साजोग नागरिक म्हणाले..
- सकाळी उठल्यानंतर किती वेळानंतर Tea घ्यावा? 99% लोकांना माहितच नाही
- बॉक्स ऑफिसवर Chhaava चा बोलबाला, पहिल्या दिवशी जमवला करोडोंचा गल्ला
बातम्यांसाठी YouTube चॅनेल Subscribe करा
Subscribe Now
