🕒 1 min read
Sanjay Raut- इराण-इस्त्रायल युद्धामुळे जगभरात खळबळ उडाली असून, त्याचे गंभीर पडसाद आता भारतातही दिसू लागले आहेत. देशभरात LPG Gas Shortage निर्माण झाल्याने सर्वसामान्य नागरिक आणि हॉटेल व्यावसायिक अक्षरशः मेटाकुटीला आले आहेत. गॅस एजन्सींबाहेर ग्राहकांच्या लांबच लांब रांगा पाहायला मिळत आहेत.
बुकिंग करूनही वेळेवर गॅस मिळत नसल्याने लोकांमध्ये तीव्र संताप आहे. राजकीय वर्तुळातही यावरून मोठी चर्चा सुरू झाली आहे. याच पार्श्वभूमीवर ठाकरे गटाचे खासदार संजय राऊत यांनी मोदी सरकारवर जोरदार आसूड ओढला आहे. देशात एवढं मोठं संकट असताना पंतप्रधान केरळ आणि तामिळनाडूच्या निवडणूक प्रचारात कसे मशगूल राहू शकतात, असा संतप्त सवाल त्यांनी उपस्थित केला आहे.
‘जय श्रीराम म्हणा, गॅस मिळवा’ : LPG Gas Shortage
देशातील विस्कळीत गॅस पुरवठ्यावरून राऊतांनी सरकारची तीव्र शब्दांत खिल्ली उडवली आहे. “फक्त जय श्रीराम सिलेंडर म्हणा, तुम्हाला घरपोच सिलेंडर मिळेल. नमो नमो हा मंत्र जपल्यास पेट्रोल आणि डिझेलही दारात येईल,” असा बोचरा चिमटा त्यांनी काढला. आपल्या देशात अंधभक्ती पराकोटीला गेल्याचे ते म्हणाले.
सध्या देशात गॅस टंचाईचे मोठे संकट आहे. त्यामुळेच, पंतप्रधान नरेंद्र मोदींसमोर हे संकट सोडवण्यापेक्षा केरळ, तामिळनाडू आणि आसाममध्ये निवडणुका जिंकणं हाच मुख्य अजेंडा असल्याचं राऊत म्हणाले. या देशातील प्रमुख प्रश्नांची चिंता आता सत्ताधाऱ्यांना राहिलेली नाही, अशी खंत त्यांनी व्यक्त केली.
तसेच, परराष्ट्र धोरणावरूनही राऊतांनी मोदींना लक्ष केलं. इराण-इस्त्रायल युद्धाबाबत अनेक देशांनी ठाम भूमिका घेतली, पण भारताने कोणतंही मत मांडलं नाही. युद्धाच्या अगदी आधी मोदी इस्त्रायलला जातात आणि त्यानंतर इराणच्या सर्वोच्च नेत्याची हत्या होते. तरीही देशाचे पंतप्रधान साधा शोक व्यक्त करत नाहीत, याचा अर्थ सरकारवर कुणाचा तरी मोठा दबाव आहे, असा गंभीर आरोप राऊत यांनी केला. या दाव्याला अद्याप दुसऱ्या स्वतंत्र सूत्राकडून दुजोरा मिळालेला नाही. असं असलं तरी, या वक्तव्याने देशाच्या राजकीय वर्तुळात मोठी खळबळ उडाली आहे.
📌 महत्वाच्या बातम्या
- हार्दिक पांड्यावर तिरंग्याच्या अपमानाचा आरोप; वर्ल्ड कप जिंकल्यानंतर तीन दिवसांतच पुण्यात पोलीस तक्रार
- Sanju Samson: संजूच्या वादळामागे ‘सचिन’ कनेक्शन! विजयानंतर सॅमसनचा सर्वात मोठा गौप्यस्फोट
- भारत विश्वविजेता! फायनलमध्ये न्यूझीलंडचा ९६ धावांनी धुव्वा, अहमदाबादमध्ये टीम इंडियाचा ऐतिहासिक विजय
बातम्यांसाठी YouTube चॅनेल Subscribe करा
Subscribe Now
