🕒 1 min read
निसर्गाचा कोप कधी आणि कसा होईल, याचा काहीही नेम नाही! एका बाजूला अंगाची लाहीलाही करणारी उष्णता, तर दुसऱ्या बाजूला आता विनाशकारी वादळाचं मोठं संकट देशावर घोंघावतंय.
भारतीय हवामान विभागाने (IMD) आज एक असा इशारा (IMD Weather Warning) दिलाय, ज्याने प्रशासनाची झोप उडवली आहे. २७ मे रोजी देशातल्या तब्बल १७ राज्यांमध्ये मुसळधार पावसासह भयंकर वादळ धडकणार आहे. सगळ्यात धक्कादायक बाब म्हणजे, या वादळाचा वेग ताशी ८० ते ९० किलोमीटर इतका प्रचंड असेल.
IMD Weather Warning
काही दिवसांपूर्वीच उत्तर प्रदेशमध्ये आलेल्या चक्रीवादळाने १०० हून अधिक निष्पाप लोकांचा बळी घेतला होता. या पार्श्वभूमीवर हवामान खात्याने दिलेला हा IMD Weather Alert अधिक गंभीर बनतो. आता पुढचे ७२ तास देशासाठी अत्यंत महत्त्वाचे असून प्रशासनाने तातडीने उपाययोजना सुरू केल्या आहेत.
दुसरीकडे, महाराष्ट्रात उष्णतेचा कहर थांबायचं नाव घेत नाहीये. विदर्भात तर अक्षरशः आग ओकणारा सूर्य पाहायला मिळतोय. ब्रह्मपुरीमध्ये तापमानाने ४७.६ अंश सेल्सिअसचा खतरनाक उच्चांक गाठलाय. हवामान खात्याने वर्धा, अमरावती आणि चंद्रपूर या जिल्ह्यांसाठी ‘रेड अलर्ट’ दिलाय. तर नागपूर, गडचिरोली आणि अकोल्यात ‘ऑरेंज अलर्ट’ आहे.
अकोल्यात पारा ४५ अंशांच्या पार गेल्याने रस्ते सामसूम झालेत. गरम वाफांमुळे नागरिकांचे प्रचंड हाल होत आहेत. नंदुरबारमध्ये तर या भयानक उकाड्याचा थेट फटका लहान मुलांना बसतोय. ताप, सर्दी, न्यूमोनिया आणि जुलाबाचे रुग्ण तिथे अचानक वाढलेत.
एवढं सगळं होत असतानाच, राज्यातल्या हवामानातही मोठा बदल दिसतोय. कोकण आणि मराठवाड्यात मात्र काही ठिकाणी वादळी वाऱ्यासह पावसाचा अंदाज वर्तवण्यात आला आहे. त्यामुळे नागरिकांनी दुपारच्या वेळी घरातून बाहेर पडणं टाळावं, असं स्पष्ट आवाहन प्रशासनाने केलं आहे.
📌 महत्वाच्या बातम्या
- रितेश देशमुखच्या ‘राजा शिवाजी’ने रचले असे ५ रेकॉर्ड्स जे मोडणं कठीण; अवघ्या 25 दिवसांत केली छप्परफाड कमाई
- मेरे करण-अर्जुन आ गए…..दिव्यांका त्रिपाठी झाली आई; लग्नाच्या १० वर्षांनंतर घरात दोन चिमुकल्यांची एन्ट्री!
- भोंदूबाबा अशोक खरातवर चित्रपट; दीपाली सय्यद साकारणार रुपाली चाकणकरांची भूमिका?
बातम्यांसाठी YouTube चॅनेल Subscribe करा
Subscribe Now
