Ashwagandha & Ghee Benefits | अश्वगंधा पावडरचे तुपात मिसळून सेवन केल्याने आरोग्याला मिळतील ‘हे’ जबरदस्त फायदे

Mayuri Deshmukh1 February 2023

Ashwagandha & Ghee Benefits | टीम महाराष्ट्र देशा: अश्वगंधा आणि तूप या दोन्ही गोष्टी औषधी गुणधर्मांनी समृद्ध आहे. आरोग्याच्या अनेक समस्यांवर या दोन्ही गोष्टी औषधी म्हणून वापरल्या जातात. अश्वगंधा आणि तुपाच्या मदतीने आरोग्यासोबतच त्वचा आणि केस देखील निरोगी राहतात. या दोन्ही एकत्र सेवन केल्याने शरीराला अनेक फायदे मिळू शकतात. यासाठी तुम्हाला दोन ते तीन चमचे देशी तुपामध्ये दहा ग्राम अश्वगंधा पावडर मिसळून घ्यावी लागेल. त्यानंतर तुम्हाला हे मिश्रण चावून खावे लागेल. या मिश्रणाच्या सेवनानंतर तुम्हाला कोमट दूध प्यावे लागेल. नियमित हे असे केल्याने तुम्हाला पुढील फायदे मिळू शकतात.

शरीराला ऊर्जा मिळते

अश्वगंधा पावडर आणि तुपाच्या मिश्रणाचे नियमित सेवन केल्याने शरीर ऊर्जावान राहते. याच्या सेवनाने शरीरातील अशक्तपणा दूर होऊन शक्ती वाढते. परिणामी तुम्ही दिवसभर ताजतवाने राहतात.

मानसिक थकवा दूर होतो

अश्वगंधा पावडर आणि तुपाच्या मिश्रणाचे सेवन केल्याने चिंता, तणाव आणि मानसिक थकवा दूर होऊ शकतो. त्याचबरोबर या मिश्रणाच्या नियमित सेवनाने तुम्हाला झोप देखील चांगली लागू शकते. तुम्ही जर झोपेच्या समस्येपासून त्रस्त असाल, तर तुम्ही या मिश्रणाचे सेवन करू शकतात.

मज्जासंस्था शांत राहते

तूप आणि अश्वगंधा पावडरच्या मिश्रणाचे सेवन केल्याने मज्जासंस्था शांत राहण्यास मदत होते. परिणामी तुम्ही शांत आणि आनंदी राहता. त्यामुळे नर्व्हस सिस्टीम शांत ठेवण्यासाठी तुम्ही नियमित या मिश्रणाचे सेवन करू शकतात.

टीप: वरील माहिती लागू करण्यापूर्वी संबंधित तज्ञांचा सल्ला घ्यावा.

महत्वाच्या बातम्या