🕒 1 min read
मुंबई: राष्ट्रवादीचे ज्येष्ठ नेते छगन भुजबळ यांनी अखेर मंत्रिपदाची शपथ घेतली असून, यानंतर त्यांनी थेट मराठा आंदोलक मनोज जरांगे यांच्यावर हल्लाबोल केला आहे. ‘‘मराठा समाजाचं सर्वात मोठं नुकसान जरांगेंमुळेच झालं आहे,’’ असा दावा भुजबळांनी केला आहे.
राजभवनात आज पार पडलेल्या शपथविधी सोहळ्यात भुजबळ यांनी मंत्री म्हणून पद आणि गोपनीयतेची शपथ घेतली. याआधी धनंजय मुंडे यांच्यावर आरोप झाल्याने त्यांचा राजीनामा झाला होता, त्यामुळे रिक्त जागेवर भुजबळांची वर्णी लागली.
Chhagan Bhujbal Targets Manoj Jarange
मात्र, भुजबळांच्या मंत्रिपदावर मनोज जरांगेंनी जोरदार टीका केली होती. “अजित पवार जातीवादी लोकांना पोसतात,” असा आरोप करत, भुजबळांचा समावेश फडणवीसांच्या रणनीतीचा भाग असल्याचा संशय त्यांनी व्यक्त केला.
या टीकेला प्रत्युत्तर देताना छगन भुजबळ म्हणाले, “जरांगेनेच मराठा समाजाचं सर्वात जास्त नुकसान केलं. त्याच्यामुळे गावागावात वाद निर्माण झाले. मराठा समाज मोठा आहे, पण त्याला त्रास झाला तो जरांगेच्या चुकीच्या आंदोलनामुळेच.”
भुजबळांच्या मंत्रिमंडळात पुनरागमनानंतर त्यांनी पंतप्रधान नरेंद्र मोदी, मुख्यमंत्री एकनाथ शिंदे आणि उपमुख्यमंत्री अजित पवार यांचे आभार मानले. त्यांनी स्पष्ट केलं की, पक्षाने दिलेल्या संधीबद्दल ते कृतज्ञ आहेत.
📌 महत्वाच्या बातम्या
- “जातीयवाद पोसला जातोय, भुजबळ जातीवादी” – भुजबळांच्या मंत्रिमंडळात समावेशावरून मनोज जरांगे आक्रमक
- छगन भुजबळ मंत्रिपदावर; लक्ष्मण हाके म्हणाले “ही तर झाकी आहे”, तर मनोज जरांगेंचा अजित पवारांवर थेट आरोप
- राज्याचं नवीन गृहनिर्माण धोरण जाहीर; मंत्रिमंडळाच्या बैठकीत ८ महत्त्वाचे निर्णय
बातम्यांसाठी YouTube चॅनेल Subscribe करा
Subscribe Now
