मुंबई | 20 मे – राष्ट्रवादीचे ज्येष्ठ नेते छगन भुजबळ यांनी आज मंत्रिपदाची शपथ घेतली आहे. मुंबईतील राजभवनात पार पडलेल्या या शपथविधी सोहळ्यात त्यांनी पुन्हा एकदा मंत्रिमंडळात प्रवेश केला. काही दिवसांपूर्वी संतोष देशमुख हत्या प्रकरणाने धनंजय मुंडे यांनी मंत्रिपदाचा राजीनामा दिला होता, आणि त्यानंतर रिक्त झालेल्या जागेवर भुजबळांना संधी देण्यात आली.
भुजबळ यांना पुन्हा अन्न आणि नागरी पुरवठा खातं मिळण्याची शक्यता असून, महायुती सरकार सत्तेवर आल्यानंतर मंत्रिपद न मिळाल्याने त्यांनी नाराजी व्यक्त केली होती. त्यांनी समता परिषदेच्या माध्यमातून ठिकठिकाणी सभा घेऊन आपली भूमिका मांडली होती. त्यावेळी त्यांनी थेट अजित पवार यांच्यावरही अप्रत्यक्ष टीका केली होती.
Manoj Jarange Slams Ajit Pawar Over Caste Politics
मात्र, भुजबळांच्या या पुनरागमनावर मराठा आरक्षणाचे आंदोलन नेते मनोज जरांगे यांनी तीव्र शब्दांत प्रतिक्रिया दिली आहे. “अजित पवार जातीवादी लोकांना पोसत आहेत. भुजबळांना मंत्री केल्याने मराठा समाजावर काही फरक पडत नाही,” असं ते म्हणाले. तसेच, “त्यांना तात्पुरता आनंद देण्यात आला आहे. चॉकलेट दिलं आहे. ही रणनीती देवेंद्र फडणवीस यांची असू शकते,” असा आरोपही त्यांनी केला.
जरांगेंनी पुढे म्हटलं की, “भुजबळ जातीवादी आहेत, त्यांना मंत्रिपद देणं हे चुकीचं आहे. अजित पवार यांच्या भूमिकेवर आता प्रश्न उपस्थित होतो.”
📌 महत्वाच्या बातम्या
- छगन भुजबळ मंत्रिपदावर; लक्ष्मण हाके म्हणाले “ही तर झाकी आहे”, तर मनोज जरांगेंचा अजित पवारांवर थेट आरोप
- राज्याचं नवीन गृहनिर्माण धोरण जाहीर; मंत्रिमंडळाच्या बैठकीत ८ महत्त्वाचे निर्णय
- पाकिस्तानी गुप्तचर संस्थेसाठी हेरगिरी करणाऱ्या जाळ्याचा भंडाफोड; ज्योती मल्होत्रासह ११ जण गजाआड
बातम्यांसाठी YouTube चॅनेल Subscribe करा
Subscribe Now
