Sudhir Tambe | “सत्यजित तांबे भाजपचा पाठिंबा मागणार का?”; सुधीर तांबे म्हणाले, “आम्ही कोणत्याही…”

Sudhir Tambe | नाशिक : नाशिक पदवीधर निवडणुकीत माघारीचा दिवस देखील संपला, मात्र अद्यापही कोण कोणाला पाठिंबा देतंय, याबाबत अद्यापही चित्र स्पष्ट झालेलं नाही. असं असताना राजकीय वर्तुळात टीकेचे धनी बनलेले सत्यजीत तांबे (Satyajeet Tambe) मात्र अडचणीत सापडले आहेत.

पदवीधर निवडणुकीत सत्यजित तांबे यांनी काँग्रेस व अपक्षचा उमेदवारी अर्ज दाखल केला होता. मात्र त्यांना एबी फॉर्म मिळाला नसल्याने अपक्ष राहून निवडणूक लढवत आहेत. अशातच सत्यजित तांबे आता भाजपचा पाठिंबा मागणार का?, यावर चर्चा रंगली असतानाच सुधीर तांबे (Sudhir Tambe) यांनी यावर भाष्य केलं आहे.

सत्यजित तांबे अथवा मी भाजपचा पाठिंबा मागितला नाही आणि मागणार देखील नाही अशी प्रतिक्रिया नाशिक पदवीधर मतदारसंघाचे विद्यमान आमदार सुधीर तांबे (Sudhir Tambe) यांनी दिली आहे. आमच्या पक्षश्रेष्ठीचा काहीतरी गैरसमज झाला आहे. आम्ही त्याबाबत त्यांच्यासोबत बसून चर्चा करणार असल्याचंही त्यांनी यावेळी बोलताना सांगितलं.

दरम्यान, “भाजपचे प्रदेश अध्यक्ष चंद्रशेखर बावनकुळे यांनी अद्याप आम्हाला कुणीही पाठिंबा मागितला नसल्याचं सांगितलं. पाठिंबा मागितल्यास विचार करू, असंही ते म्हणाले आहेत. या संदर्भात पुढे काय होणार याकडे सर्वांचं लक्ष लागलेलं आहे.

महत्वाच्या बातम्या :

• Aaditya Thackeray | “मुंबईचा जोशीमठ झालाय याला…”; आदित्य ठाकरेंनी धरलं शिंदे सरकारला धारेवर  
• Prithviraj Chavan । “सत्यजीत तांबेंचं निलंबन होणार?”; पृथ्वीराज चव्हाण म्हणाले…
• Immunity Power | इम्युनिटी पॉवर वाढवण्यासाठी सकाळी रिकाम्या पोटी करा ‘या’ ज्यूसचे सेवन
• Nashik Legislative Council Election । नाशिक विधान परिषद निवडणुकीत नवा ट्विस्ट; ‘डॉ. सुधीर तांबे’ यांनी अर्ज घेतला मागे
• Satyajeet Tambe | सत्यजीत तांबेंना निलंबित करा; हायकमांडच्या महाराष्ट्र प्रदेश काँग्रेसला सूचना