‘भाजपचा स्मृतीभ्रंश झाला असावा’; नारी शक्ती वंदन आंदोलनावर रोहित पवारांची खोचक टीका

नाशिक : नाशिकमध्ये काँग्रेस नेते आणि लोकसभेतील विरोधी पक्षनेते राहुल गांधी (Rahul Gandhi) यांच्या विरोधात भाजप कार्यकर्त्यांनी केलेल्या आंदोलनावरून राष्ट्रवादीचे आमदार रोहित पवार (Rohit Pawar) यांनी भाजपवर (BJP) निशाणा साधला आहे. राहुल गांधींच्या विरोधात आंदोलन करण्यासाठी दुसरे कोणतेही कारण न सापडल्यामुळेच भाजपने ‘नारी शक्ती वंदन’चा मुद्दा उपस्थित केला, असा आरोप पवार यांनी केला.

रोहित पवार यांनी सोशल मीडिया पोस्टद्वारे भाजपच्या आंदोलनावर टीका केली. ‘नारी शक्ती वंदन विधेयक’ हे २०२३ मध्येच संसदेत एकमताने पारित झाले होते, हे भाजपवाले विसरले का? असा सवाल रोहित पवार यांनी उपस्थित केला.

Rohit Pawar attacks BJP protest

राहुल गांधी यांनी मनुस्मृतीवर आघात केल्यामुळे भाजपचा ‘स्मृतीभ्रंश’ झाला असावा, अशी खोचक टीकाही रोहित पवार यांनी केली. त्यामुळे केवळ राजकीय विरोधासाठी राहुल गांधींविरोधात आंदोलन करण्याऐवजी नाशिकमधील नागरिकांना भेडसावणाऱ्या मूलभूत प्रश्नांकडे भाजपने लक्ष द्यावे, असे त्यांनी म्हटले.

राहुल गांधींनी ‘मनुस्मृती’वर टीका केल्यामुळे भाजपला कदाचित ‘स्मृतिभ्रंश’ झाला असावा, असा टोला रोहित पवार यांनी लगावला. केवळ राजकीय विरोधासाठी राहुल गांधींविरोधात निदर्शने करण्याऐवजी, नाशिकच्या नागरिकांसमोरील मूलभूत मुद्द्यांवर लक्ष केंद्रित करावे, असे आवाहन पवार यांनी भाजपला केले.

‘नाशिकमध्ये पडलेल्या खड्ड्यांवर आंदोलन केलं तर बरं राहील’

नाशिक शहरातील रस्त्यांवरील खड्ड्यांचा मुद्दा उपस्थित करत रोहित पवार यांनी भाजपच्या आंदोलनाला एक नवी दिशा सुचवली. भाजपने केवळ राजकारणासाठी राहुल गांधी यांना विरोध करण्यापेक्षा नाशिकमध्ये पडलेल्या खड्ड्यांवर एखादं आंदोलन केलं तर बरं राहील…!, असे म्हणत त्यांनी भाजपवर निशाणा साधला.

दरम्यान, ‘नारी शक्ती वंदन’ विधेयकावरून नाशिकमध्ये भाजपने पुकारलेले आंदोलन आणि त्यावर रोहित पवार यांनी केलेली टीका यामुळे राजकीय वातावरण तापण्याची शक्यता आहे.

View this post on Instagram

📌 महत्वाच्या बातम्या

• छत्रपती संभाजीनगरात पोलिसांची धाड, १ लाखाचा गांजा जप्त
• गेवराई तांड्यात पोलिसांची मोठी धाड; घरात लपवलेला गुटख्याचा साठा उघडकीस
• शिवसेना पक्ष-चिन्हाचा तिढा निर्णायक वळणावर; आजपासून शिंदे गटाचा सुप्रीम कोर्टात युक्तिवाद