रायगड– राष्ट्रवादी काँग्रेसमध्ये पडद्यामागे नेमकं काय शिजतंय? पक्षातील सर्वोच्च नेतृत्वाच्या निधनानंतर अचानक पार्थ पवार इतक्या वेगाने सूत्रं कशी काय हलवत आहेत, असा प्रश्न सध्या अनेकांना पडला असेल. नुकत्याच झालेल्या एका पत्रकार परिषदेत सुनील तटकरे (Sunil Tatkare) यांना थेट हाच प्रश्न विचारण्यात आला. त्यावर उत्तर देताना त्यांनी पक्षातील सद्यस्थिती आणि नव्या राजकीय समीकरणांवर भाष्य केले आहे.
अजितदादांच्या जाण्याने राज्याच्या राजकारणात आणि राष्ट्रवादीत मोठी पोकळी निर्माण झाली, हे तटकरेंनी मान्य केले. त्यामुळेच सुनेत्रा वहिनींकडे राष्ट्रीय अध्यक्ष आणि उपमुख्यमंत्रीपदाची जबाबदारी आल्याचे त्यांनी स्पष्ट केले.
दुसरीकडे पार्थ पवारांच्या पक्षबांधणीतील भूमिकेचे त्यांनी समर्थन केले. पार्थ हे राजकारणात काही आज आलेले नाहीत, २०१९ मध्येच त्यांनी मावळमधून निवडणूक लढवली होती, अशी आठवण त्यांनी करून दिली.
पक्षात काही मुद्द्यांवरून मतभेद नक्कीच असू शकतात, पण आम्ही सगळे एकत्र बसून मार्ग काढतो. सध्या रायगडमध्ये महायुती भक्कम असून विधानपरिषदेच्या निवडणुकीत आमच्याकडे ८०० पेक्षा जास्त मतं आहेत, असा दावा त्यांनी केला.
स्थानिक राजकारण तापलं असतानाच, महेंद्र दळवींच्या बंडखोरीवर एकनाथ शिंदेंनी तोडगा काढल्याची माहिती त्यांनी दिली. आमच्यात वाद असले तरी सर्वाचा शेवट गोड झाल्याचे सांगत त्यांनी या विषयावर पडदा टाकला.
रायगड आणि नाशिकच्या पालकमंत्रीपदाचा तिढा मात्र अजून सुटलेला नाही. मुख्यमंत्री देवेंद्र फडणवीस, एकनाथ शिंदे आणि सुनेत्रा पवार जो निर्णय घेतील, तो आपल्याला मान्य असेल, असे तटकरे म्हणाले.
स्थानिक स्वराज्य संस्थांच्या निवडणुका आणि पालकमंत्रीपद हे पूर्णपणे वेगळे विषय आहेत. सूत्रांनी दिलेल्या माहितीनुसार, रायगडमध्ये भरत गोगावले यांच्यासाठी हे पद सोडण्याची तयारी तटकरेंनी दाखवली असल्याने नव्या चर्चांना उधाण आलं आहे.
📌 महत्वाच्या बातम्या
- सुनील तटकरेंचा थेट कबुलीजबाब, दोन्ही राष्ट्रवादी एकत्र येणार होत्या पण ‘त्या’ एका घटनेनं सगळंच बदललं!
- विक्रम काकडेंनी भरला फॉर्म, पुण्यात भाजपच्या बंडखोरीने वाढला सस्पेन्स
- प्रवीण तरडेंच्या ‘देऊळ बंद 2’ची आयपीएल फायनललाही हवा, कमाईचा आकडा पाहून व्हाल थक्क!
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
