Weather Update | टीम महाराष्ट्र देशा: राज्यातील वातावरणात पुन्हा एकदा बदल झाला आहे. राज्यात दिवसाच्या कमाल तापमानात मोठ्या प्रमाणात वाढ झाली आहे. तर दुसरीकडे पहाटेच्या किमान तापमानात घट होत चालली आहे. त्यामुळे पहाटे गारवा आणि दुपारी उन्हाच्या तीव्र झळा जाणवत आहे. राज्यातील किमान आणि कमान तापमानातील (Weather Update) चढ-उतार कायम राहणार असल्याचा अंदाज हवामान विभागाकडून व्यक्त करण्यात आला आहे.
राज्यात उन्हाचा तडाका वाढल्यामुळे दुपारच्या वेळी तापमानाचा पारा 35 अंश सेल्सिअसपर्यंत जात आहे. तर पहाटेच्या वेळी राज्यातील तापमान 10 अंश सेल्सिअसच्या (Weather Update) खाली नोंदवण्यात येत आहे. त्यामुळे उत्तर महाराष्ट्रासह राज्यात काही भागात थंडी कायम आहे.
देशात मंगळवारी (14 फेब्रुवारी) रत्नागिरी येथे उच्चांकी तापमानाची (Weather Update) नोंद झाली आहे. रत्नागिरीमध्ये 38.3 अंश सेल्सिअस तापमान नोंदवण्यात आले आहे. तर निफाड येथील गहू संशोधन केंद्रात राज्यातील नीचांकी तापमानाची नोंद झाली आहे. या ठिकाणी 6.14 अंश सेल्सिअस तापमान नोंदवण्यात आले आहे.
विदर्भ आणि मराठवाड्यातील तापमानात घट (Temperature drop in Vidarbha and Marathwada)
विदर्भ आणि मराठवाड्यातील तापमानात (Weather Update) मोठ्या प्रमाणात घट झाली आहे. तर कोकण आणि मध्य महाराष्ट्रात कमाल तापमानात वाढ झाल्याचे दिसून आले आहे. उत्तर महाराष्ट्रामध्ये किमान तापमानात घट कायम आहे. धुळे येथील कृषी महाविद्यालयात 6.2 अंश सेल्सिअस तापमान नोंदवण्यात आले आहे. पुण्यामध्ये 9.3 अंश सेल्सिअस तापमानाची नोंद झाली आहे.
महत्वाच्या बातम्या
- Supriya Sule | फडणवीसांनी केलेल्या दाव्यावर आता सुप्रिया सुळेंची प्रतिक्रिया; म्हणाल्या, “त्यांना सध्या फक्त…”
- Sanjay Raut | “ते रहस्य फडणवीस कधीच सांगू शकत नाहीत”; फडणवीसांच्या दाव्यावर राऊतांचं सडेतोड उत्तर
- Sanjay Raut | “फडणवीस जगातले दहावे आश्चर्य”; संजय राऊतांची देवेंद्र फडणवीसांवर जहरी टीका
- Milk and Turmeric | चेहऱ्याची नैसर्गिक पद्धतीने काळजी घेण्यासाठी दूध आणि हळदीचा ‘या’ प्रकारे करा वापर
- Breast Pain | महिलांनो लक्ष द्या! ब्रेस्ट पेन होत असेल तर करा ‘हे’ घरगुती उपाय
