🕒 1 min read
नागपूर: महाराष्ट्राच्या राजकारणात मुख्यमंत्री देवेंद्र फडणवीस आणि माजी मुख्यमंत्री उद्धव ठाकरे यांच्यातील नाते अनेकदा चर्चेचा विषय ठरले आहे. त्यांच्यातील राजकीय संघर्ष सर्वश्रुत आहे. अशा परिस्थितीत, नागपूरमध्ये नुकत्याच झालेल्या कार्यक्रमात, देवेंद्र फडणवीस मंचावर उपस्थित असताना देशाचे सरन्यायाधीश न्या. भूषण गवई यांनी उद्धव ठाकरे ( Uddhav Thackeray ) यांचे भरभरून कौतुक केल्याने राजकीय वर्तुळात आश्चर्य व्यक्त होत आहे.
सरन्यायाधीश गवई म्हणाले की, कोरोनाच्या कठीण काळातही उद्धव ठाकरे यांनी विद्यापीठाला निधीची कमतरता भासू दिली नाही. अशा शब्दांत न्या. गवई यांनी उद्धव ठाकरे यांचे किमान तीन-चार वेळा नाव घेऊन कौतुक केले. फडणवीस ( Devendra Fadnavis ) यांच्या उपस्थितीतच ठाकरे यांच्या कार्याची दखल घेतल्याने उपस्थितांच्या भुवया उंचावल्या.
CJI Bhushan Gavai Praises Uddhav Thackeray
सरन्यायाधीश गवई पुढे म्हणाले, “विधी विद्यापीठाचे भूमिपूजन झाले तेव्हा फडणवीस मुख्यमंत्री होते, दुसऱ्या वेळी ते विरोधी पक्षनेते होते, त्यानंतर तिसऱ्या वेळी ते उपमुख्यमंत्री म्हणून विद्यापीठाच्या कार्यक्रमात उपस्थित राहिले, आणि आता पहिल्या टप्प्याचे काम पूर्ण झाले असताना फडणवीस पुन्हा मुख्यमंत्री म्हणून कार्यक्रमात उपस्थित आहेत.” त्यांच्या या टिप्पणीने सभागृहात हास्यकल्लोळ झाला.
२०१४ मध्ये भाजप आणि शिवसेनेने स्वतंत्रपणे निवडणूक लढवूनही नंतर सत्तास्थापनेसाठी एकत्र आले होते. त्यावेळी देवेंद्र फडणवीस ( Devendra Fadnavis ) मुख्यमंत्री झाले आणि शिवसेना सत्तेत भागीदार होती. या काळात मतभेद असले तरी सहकार्याचे नाते होते. मात्र, २०१९ मध्ये युती करून निवडणूक लढवल्यानंतर मुख्यमंत्रीपदावरून वाद निर्माण झाला. शिवसेनेने भाजपवर ‘विश्वासघाताचा’ आरोप करत काँग्रेस आणि राष्ट्रवादीसोबत ‘महाविकास आघाडी’ स्थापन केली आणि उद्धव ठाकरे मुख्यमंत्री बनले. यामुळे ठाकरे आणि फडणवीस यांच्यातील संबंध कमालीचे ताणले गेले आणि ते उघडपणे राजकीय विरोधक बनले.
२०२२ मध्ये एकनाथ शिंदे यांच्या बंडामुळे उद्धव ठाकरे यांचे सरकार कोसळले आणि भाजपच्या पाठिंब्यावर शिंदेंनी सत्ता स्थापन केली. यामुळे ठाकरे ( Uddhav Thackeray ) आणि फडणवीस यांच्यातील संबंध अधिकच कटु झाले. आज त्यांचे नाते हे पूर्णपणे राजकीय संघर्षाचे असून, महाराष्ट्राच्या राजकारणात या दोघांचे संघर्षमय नाते हेच केंद्रबिंदू ठरले आहे. याच पार्श्वभूमीवर, न्या. गवई यांनी फडणवीस यांच्या उपस्थितीत उद्धव ठाकरेंचे केलेले कौतुक हे नागपूरमधील कार्यक्रमाचा एक चर्चेचा विषय ठरले आहे.
📌 महत्वाच्या बातम्या
- मोदींना मोठा धक्का! “तुमचा दंड BCCI का भरेल?” सर्वोच्च न्यायालयाचा सवाल
- राज ठाकरेंची युतीवर सूचक प्रतिक्रिया: मराठी भाषा महत्त्वाची, युत्या-आघाड्या निवडणुकांच्या वेळी!
- उद्धव ठाकरेंनी फडणवीसांना ठणकावले: “कुठलीही समिती नेमा, महाराष्ट्रात हिंदी सक्ती होणार नाही!”
बातम्यांसाठी YouTube चॅनेल Subscribe करा
Subscribe Now
