क्रिकेटच्या मैदानात कधी काय घडेल आणि कोण कोणाला गुगली टाकेल, हे सांगता येत नाही. पण सध्या जे घडतंय, त्याने क्रिकेट विश्वात मोठी खळबळ उडाली आहे. भारतात होणाऱ्या आगामी टी-२० वर्ल्ड कपमध्ये खेळण्यास बांगलादेशने चक्क नकार दिला आहे! “आम्हाला वर्ल्ड कप खेळायचा आहे, पण भारतात आमच्या खेळाडूंच्या सुरक्षेची चिंता वाटते,” असं म्हणत बांगलादेशचे क्रीडा सल्लागार आसिफ नजरुल यांनी बॉम्ब टाकला आहे. बांगलादेशच्या या आडमुठेपणामुळे आता ICC T20 World Cup चे समीकरण पूर्णपणे बदलण्याची शक्यता आहे.
ICC T20 World Cup
दुसरीकडे, आयसीसीने (ICC) बांगलादेशचे लाड पुरवण्यास स्पष्ट नकार दिला आहे. बांगलादेशने सामने श्रीलंकेत हलवण्याची मागणी केली होती, पण बोर्डाच्या बैठकीत भारताच्या बाजूने १४ मते पडली आणि बांगलादेशला फक्त २ मते मिळाली. बीसीसीआयचा हा ‘पॉवर प्ले’ पाहून बांगलादेश क्रिकेट बोर्ड (BCB) एकाकी पडल्याचं चित्र आहे. आयसीसीने आता अंतिम निर्णयासाठी २१ जानेवारीची डेडलाईन दिली होती.
जर बांगलादेशने हट्ट सोडला नाही आणि स्पर्धेतून माघार घेतली, तर त्यांची जागा कोणाला मिळणार? याची जोरदार चर्चा सुरू झाली आहे. जुन्या इतिहासाची पुनरावृत्ती होण्याची दाट शक्यता आहे. २००९ मध्ये झिम्बाब्वेने माघार घेतली होती, तेव्हा रँकिंगच्या आधारे दुसऱ्या संघाला संधी दिली होती. त्याच नियमानुसार, यावेळी स्कॉटलंडला (Scotland) वर्ल्ड कपचं तिकीट मिळू शकतं. थोडक्यात काय, तर बांगलादेशच्या माघारीने स्कॉटलंडला लॉटरी लागू शकते.
स्वतःच्या पायावर धोंडा पाडून घेणे म्हणजे काय, हे बांगलादेशच्या या निर्णयातून दिसतंय. भारतासोबत पंगा घेणं बीसीबीला चांगलंच महागात पडू शकतं.
१. IPL बंदी? – ज्याप्रमाणे पाकिस्तानी खेळाडूंना आयपीएलमध्ये बंदी आहे, तसाच निर्णय आता बीसीसीआय बांगलादेशी खेळाडूंबाबत घेऊ शकते.
२. आर्थिक फटका – स्पर्धेतून माघार घेतल्यास बीसीबीला आयसीसीकडून मिळणारे ५ लाख डॉलर्स (सहभाग रक्कम) गमवावे लागतील.
३. क्रिकेट संबंध – भारत भविष्यात बांगलादेश दौऱ्यावर जाण्यास नकार देऊ शकतो, ज्यामुळे बीसीबीचं कंबरडं मोडू शकतं.
माजी कर्णधार तमीम इक्बालनेही इशारा दिला आहे की, “असा निर्णय घेताना शहाणपणाने विचार करा, नाहीतर पुढच्या पिढ्यांवर परिणाम होईल.” आता बांगलादेश माघार घेणार की भारतासमोर नमते घेणार, हे पाहणं महत्त्वाचं ठरेल.
📌 महत्वाच्या बातम्या
- ‘बायको रागावली की अंथरूण ओलं करते…’ अक्षय कुमारचा पत्नी ट्विंकल खन्नाबद्दल धक्कादायक खुलासा
- ‘मला जबरदस्ती करू नका’; मराठी भाषेबाबत सुनील शेट्टीचं रोखठोक विधान
- Budget 2026: शेतकऱ्यांना जॅकपॉट लागणार? पीएम किसानची रक्कम दुप्पट होणार?
बातम्यांसाठी YouTube चॅनेल Subscribe करा
Subscribe Now
