🕒 1 min read
लग्न म्हटलं की भांड्याला भांडं लागणारच आणि नवरा-बायकोमध्ये खटके उडणारच. पण भांडणानंतर बायको नेमकं काय करेल, याचा काही नेम नसतो. बॉलीवूडचा ‘खिलाडी’ अक्षय कुमार (Akshay Kumar) याच्यासोबत तर जे घडतं, ते ऐकून तुम्हाला हसू आवरणार नाही. पत्नी ट्विंकल खन्ना रागावली की ती आरडाओरडा करत नाही, तर चक्क अक्षयला झोपूच देत नाही. खुद्द अक्षयनेच आपल्या ‘बेडरूम सिक्रेट’चा हा भन्नाट किस्सा जगजाहीर केला आहे.
Akshay Kumar Funny Story
अक्षय कुमार सध्या त्याच्या ‘द व्हील ऑफ फॉर्च्यून’ (The Wheel of Fortune) या नव्या शोमुळे चर्चेत आहे. या शोच्या पहिल्याच भागात त्याचे खास मित्र रितेश देशमुख आणि जेनेलिया हजेरी लावणार आहेत. प्रोमोमध्ये गप्पांचा फड रंगलेला असताना विषय लग्नाच्या वाढदिवसावर आला. रितेशने सांगितलं की त्याच्या लग्नाला १४ वर्ष झाली आहेत, तर अक्षयने अभिमानाने सांगितलं की त्याच्या लग्नाला २५ वर्ष पूर्ण झालीत.
यावेळी ‘सॉरी’ कसं म्हणायचं यावर चर्चा सुरू असताना अक्षयने बॉम्ब टाकला. तो म्हणाला, “माझी बायको (ट्विंकल) थोडी वेगळी आहे. जेव्हा ती माझ्यावर चिडते, तेव्हा मला लगेच कळत नाही. पण जेव्हा मी रात्री थकून भागून झोपायला जातो, तेव्हा मला धक्का बसतो. माझ्या बेडची जी बाजू असते, त्यावर पाणी ओतलेलं असतं! पूर्ण अंथरूण ओलं झालेलं असतं.” अक्षयचं हे बोलणं ऐकून रितेश आणि जेनेलियाला हसू अनावर झालं.
अक्षयची ही ‘शिक्षा’ ऐकून सोशल मीडियावर नेटकरीही पोट धरून हसत आहेत. ट्विंकल खन्नाच्या सेन्स ऑफ ह्यूमरचे किस्से तसेही प्रसिद्ध आहेतच, पण नवऱ्याला अशी शिक्षा देणारी ती एकमेव स्टार पत्नी असावी.
हा मजेशीर एपिसोड आणि अक्षय कुमारचा (Akshay Kumar) हा नवा शो २७ जानेवारीपासून सोनी टीव्हीवर रात्री ९ वाजता प्रेक्षकांच्या भेटीला येणार आहे. दुसरीकडे, अक्षय लवकरच ‘भूत बंगला’ आणि ‘वे वेलकम टू जंगल’ या सिनेमांतून प्रेक्षकांचं मनोरंजन करण्यासाठी सज्ज झाला आहे.
📌 महत्वाच्या बातम्या
- Budget 2026: शेतकऱ्यांना जॅकपॉट लागणार? पीएम किसानची रक्कम दुप्पट होणार?
- ‘काम मिळत नसेल तर पुन्हा हिंदू धर्म स्वीकारा’; अनुप जलोटांचा ए.आर. रहमान यांना खोचक सल्ला
- “हे काका कोण आहेत? मी यांना ओळखत नाही”, प्रसिद्ध अभिनेत्रीकडून शाहरुख खानचा अपमान?
बातम्यांसाठी YouTube चॅनेल Subscribe करा
Subscribe Now
