Bacchu Kadu | “आधी कोर्टाच्या तारखा ऐकत होतो, आता मंत्रिमंडळ विस्ताराच्या”; बच्चू कडूंची टीका

🕒 1 min read

Bacchu Kadu | नागपूर : राज्यात गेल्या 7 महिन्यापूर्वी शिंदे आणि भाजपचे सरकार स्थापन झाले आहे. 7 महिने उलटूनही राज्यात मंत्रिमंडळाचा विस्तार झाला नाही. यावरुन प्रहार जनशक्ती संघटनेचे संस्थापक अध्यक्ष आमदार बच्चू कडू यांनी प्रतिक्रिया दिली आहे.

“माझ्या बंडखोरीचे यश म्हणजे दिव्यांग मंत्रालय आहे. या सरकारने दिव्यांग मंत्रालय दिले, याचा मनस्वी आनंद आहे. मी आधी कोर्टाच्याच तारखा ऐकत होतो, आता मंत्रिमंडळ विस्ताराच्या तारखा ऐकत आहे”, असे बच्चू कडू म्हणाले आहेत.

‘तारीख पे तारीख’

“माझ्या वाट्याला काय आलं, हे महत्वाचं नाही, तर माझ्या दिव्यांग बांधवांच्या वाट्याला मंत्रालय ही माझ्या आयुष्यातील मोठी गोष्ट आहे. निवडणूक आयोग आणि न्यायालय यांचे ‘तारीख पे तारीख’ सुरू आहे. निकाल येत नाही, तोपर्यंत मंत्रिमंडळ विस्तार होणार नाही, असं सध्यातरी दिसतंय आणि या निकालानंतरही विस्तार झाला नाही, तर मग तो 2024च्या निवडणुकांनंतर होईल”, असे बच्चू कडू यांनी स्पष्ट सांगितले आहे.

‘जो जिंकणार, तोच होणार मंत्री’

थोड्या कालावधीसाठी मंत्रिमंडळ विस्तार करायचा आणि आमदारांची नाराजी ओढवून घ्यायची, असा विचार कदाचित कुठेतरी होत असेल. त्यामुळे बहुतेक 2024च्या निवडणुका झाल्यानंतरच विस्तार होईल, असे वाटते. 2024च्या विधानसभा निवडणूकीत ‘जो जिंकणार, तोच होणार मंत्री’, असे बच्चू कडू म्हणाले.

शिंदे गट आणि भाजप राजकीयदृष्ट्या मजबूत

कुणाच्या नाराजीचा काही विषय नाही. कारण एकनाथ शिंदे गट आणि भाजप राजकीय दृष्ट्या मजबूत आहेत. त्यामुळे शिंदे गटातील आणि भाजपमधील कुणी बाहेर जाईल, अशी स्थिती नाही आणि तशी ताकतही कुणात नाही. मात्र इतर पक्षातील लोक शिंदे गट किंवा भाजपमध्ये येतील, अशी स्थिती आहे, असेही बच्चू कडूंनी सांगितले आहे.

महत्वाच्या बातम्या-

• Ajit Pawar | पहाटेच्या शपथविधीबाबत फडणवीसांच्या ‘त्या’ दाव्यावर आता अजित पवारांची प्रतिक्रिया
• Nana Patole | “शिंदे-फडणवीस जास्त दिवस सत्तेत राहणे म्हणजे घटनेचा खून”; नाना पटोलेंचा राज्य सरकारवर निशाणा
• Nana Patole | “तरीही त्यांचे अर्धा डझन मंत्री तिथे बसून”; नाना पटोलेंची भाजपवर बोचरी टीका
• Radhakrushna Vikhe Patil | राधाकृष्ण विखे पाटलांची अशोक चव्हाणांना खुली ऑफर; लवकरच भाजपमध्ये जाणार?
• Sanjay Raut | “देशात अजूनही न्याय जिवंत, सत्याचाच विजय”; दोन्ही युक्तीवादानंतर राऊतांची प्रतिक्रिया

📈 लोकप्रिय बातम्या

रोहित पवारांना सुप्रीम कोर्टाचा ‘धक्का’; भर कोर्टात न्यायाधीशांनी झापलं, विचारला ‘हा’ जाब!

अजितदादांच्या आठवणीत गौतमी पाटील भावूक; दादांच्या ‘त्या’ दोन शब्दांनी जिंकलं होतं मन!

ट्रम्प यांच्या एका निर्णयाने भारतात खळबळ; सोने-चांदीच्या भावात मोठी उसळी, चांदी थेट अडीच लाखांवर!