Amol Mitkari | मुंबई : नाशिक पदवीधर मतदारसंघाची निवडणूक झाली. या निवडणुकीच्या सुरवातीपासूनच नाट्यमय घडामोडी पाहायला मिळाल्या आहेत. काँग्रेसमध्ये बंडखोरी करत अपक्ष उमेदवार सत्यजीत तांबे यांना भाजपकडून अनेकदा खुली ऑफर मिळाली. त्यावरुन भाजप आणि विरोधकांमध्ये कलगितुरा रंगला होता.
भाजपकडून आणि देवेंद्र फडणवीसांकडून सत्यजीत तांबेंना भाजपमध्ये येण्यासाठी साद घातली जात आहे. त्यावरुन विरोधकांकडून टीकेची झोड उठवली जात आहे. त्यातच आज सत्यजीत तांबेंनी काँग्रेस सोडली नसून अपक्ष म्हणून काम करणार असल्याचे स्पष्ट केले आहे. या पार्श्वभूमीवर आता राष्ट्रवादी काँग्रेसचे नेते आणि आमदार अमोल मिटकरी यांनी भाजप आणि देवेंद्र फडणवीसांवर सडकून टीका केली आहे.
“सत्यजीत तांबेनी अपक्ष राहण्याचा घेतलेला निर्णय भाजपला गुदगुल्या झाल्यासारखा आहे. सत्यजीत तांबे यांना गोंजारण्याचे प्रामाणिक काम देवेंद्र फडणवीसजी यांच्याकडून होत असले तरी सत्यजीत तांबेंनी सस्पेन्स कायम ठेवला आहे. तांबे घराणं हे भाजप विरोधी आहे व सद्या तरी भाजपची गत “बेगाने शादी मे अब्दुल्ला दिवाना”, असे अमोल मिटकरी म्हणाले आहेत. याबाबत अमोल मिटकरींनी ट्वीट केले आहे.
सत्यजित तांबेनी अपक्ष राहण्याचा घेतलेला निर्णय भाजपाला गुदगुल्या झाल्यासारखा आहे.तांबेंना गोंजारण्याचे प्रामाणिक काम फडणवीसजी यांच्याकडून होत असले तरी सत्यजित तांबेंनी सस्पेन्स कायम ठेवलाय. तांबे घराणं हे भाजप विरोधी आहे व सद्या तरी भाजपाची गत "बेगाने शादी मे अब्दुल्ला दिवाना "
— आ. अमोल रामकृष्ण मिटकरी (@amolmitkari22) February 4, 2023
महत्वाच्या बातम्या
- Girish Mahajan | “‘ही’ परंपरा विरोधकांनी जोपासली पाहिजे”; महाजनांचं आश्विनी जगताप यांच्या भेटीनंतर वक्तव्य
- Satyajeet Tambe | “देशात राहुल गांधींचा भारत जोडण्याचा प्रयत्न, अन् राज्यात मात्र..”; सत्यजीत तांबेंचा प्रदेश काँग्रेसवर निशाणा
- Satyajeet Tambe | “मी काँग्रेस कधीही सोडली नाही, पण आता…”; सत्यजीत तांबेंनी स्पष्ट केली भूमिका
- Satyjeet Tambe | “त्यांच्या सल्ल्याला माझा पुर्णपणे विरोध होता”; सत्यजीत तांबेंनी सांगितलं बंडखोरीचं कारण
- Satyajeet Tambe | “देवेंद्र फडणवीस मला मोठ्या भावासारखे”; सत्यजीत तांबेंचं मोठं वक्तव्य
