एखाद्या अभिनेत्रीच्या कपड्यांवरवरून थेट तिच्या संसारावर ताशेरे ओढणं कितपत योग्य आहे? बॉलिवूडची ‘क्वीन’ कंगना राणौत (Kangana Ranaut) पुन्हा एकदा एका मोठ्या वादाच्या केंद्रस्थानी येऊन ठेपली आहे.
कंगनाने कोणाचेही थेट नाव न घेता सोशल मीडियावर एक खळबळजनक पोस्ट शेअर केली आहे. तिच्या या निशाण्यावर लोकप्रिय अभिनेत्री सोनाक्षी सिन्हा (Sonakshi Sinha) असल्याचं बोललं जातंय. कंगनाच्या या विधानामुळे आता बॉलिवूडमध्ये नवा वाद पेटण्याची दाट शक्यता निर्माण झाली आहे.
Kangana Ranaut Controversy
इन्स्टाग्रामवरील एका पोस्टद्वारे कंगनाने थेट अभिनेत्रीच्या पेहरावावर आणि तिच्या पतीवर शिंतोडे उडवले आहेत. “ती अभिनेत्री आजकाल पाकिटमारांसारखे कपडे घालते आणि तशीच भाषा बोलते,” असा घणाघात कंगनाने केला आहे. हाफ पँट आणि उलटी टोपी घालून आंदोलकांना पाठिंबा देणाऱ्यांवर तिने कडाडून टीका केली आहे. जोडीदारामुळेच माणसाची खरी ओळख आणि त्याचे आयुष्य समजते, असा दावाही तिने या पोस्टमध्ये केला आहे.
दुसरीकडे, याआधी एका सोशल मीडिया पोस्टला लाईक केल्यामुळे कंगना मोठी वादात सापडली होती, जिथे एका अभिनेत्रीला ‘जाड’ म्हटलं गेलं होतं. मात्र, आपण कधीही कोणाचीही बॉडी-शामिंग केली नाही, असा खुलासा करत तिने तो स्क्रीनशॉट पूर्णपणे खोटा असल्याचे स्पष्ट केले होते. तरीही आता तिने केलेल्या या नव्या वक्तव्यामुळे सोशल मीडियावर चर्चांना प्रचंड उधाण आलं आहे.
सोनाक्षीने अलीकडेच विद्यार्थी आंदोलनाला जाहीर पाठिंबा दिला होता. या पार्श्वभूमीवर कंगनाची ही पोस्ट आल्याने चाहत्यांमध्ये आणि नेटिझन्समध्ये उलटसुलट चर्चा झडत आहेत. स्टायलिंगसाठी मदत हवी असल्यास आपण नेहमी तयार आहोत, असा उपरोधिक टोमणा मारत कंगनाने पुन्हा एकदा आपल्या रोखठोक शैलीने साऱ्यांचं लक्ष वेधून घेतलं आहे. या संपूर्ण प्रकरणावर संबंधित अभिनेत्री काय प्रतिक्रिया देते, याकडे सर्वांच्या नजरा लागल्या आहेत.
📌 महत्वाच्या बातम्या
- ई-२० पेट्रोलवरून गडकरी रडारवर; नागपुरात अचानक एवढा भडका का उडाला?
- “हिंदू मुली जेव्हा संबंध ठेवतात…”, कंगना राणौतच्या नव्या विधानाने मोठी खळबळ!
- वनिता खरात जिममध्ये कोसळली, स्वतःचाच व्हिडिओ शेअर करत म्हणाली “यापेक्षा…”
