COVID-19 Variant | मुंबई: परदेशातून मुंबईमध्ये आलेल्या तिघांना कोरोनाची लागण झाली आहे. या तिघांमध्ये कोरोनाचा BF.7 हा व्हेरियंट आढळून आला आहे. हा व्हेरियंट कोरोनाच्या नव्या लाटेला कारणीभूत ठरला होता. या व्हेरियंटने आता महाराष्ट्रामध्ये एन्ट्री केली आहे.
या तीन प्रवाशांपैकी दोन प्रवासी चीनमधून भारतात आले होते. तर एक कोरोना बाधित कॅनडामधून आला होता. या तिन्ही रुग्णांचे नमुने जीनोम सिक्वेन्सिंगसाठी पाठवण्यात आले आहे. या तिघांची ही प्रकृती स्थिर असल्याची माहिती मिळाली आहे. तर, तिघांपैकी एकालाही रुग्णालयात दाखल करण्याची गरज पडलेली नाही. या तिन्ही प्रवाशांमध्ये सौम्य लक्षणे दिसून आली आहे. या तिघांनीही कोरोना व्हॅक्सिनेशन केलं असल्याचं एका वरिष्ठ आरोग्य अधिकाऱ्यांनी सांगितले आहे.
मुंबई विमानतळावर आत्तापर्यंत आरटीपीसीआर चाचणीमध्ये 23 जण कोविड पॉझिटिव्ह आढळले आहे. या रुग्णांचे नमुने जीनोम सिक्वेन्सिंगसाठी पाठवण्यात आले आहे. यामध्ये मुंबईतील पाच, गुजरातमधील चार, पुण्यातील तीन, केरळमधील दोन आणि उरलेले प्रत्येकी एक रुग्ण नवी मुंबई, सांगली, गोवा, अमरावती, तामिळनाडू, उत्तर प्रदेश, ओडिसा, आसाम आणि तेलंगाना येथील आहे.
चीनमधील वाढता कोरोनाचा प्रादुर्भाव पाहता विमानतळावर आरटीपीसीएल चाचणी सुरू करण्यात आली आहे. पॉझिटिव्ह आढळलेले सगळे नमुने जीनोम सिक्वेन्सिंगसाठी पाठवण्यात येत आहे. कोरोनाची वाढती रुग्णसंख्या बघून, सर्वांनी सतर्कता बाळगावी, असा इशारा केंद्र सरकारकडून देण्यात आला आहे.
महत्वाच्या बातम्या
- Sushma Andhare | “निवडणूक आयोग तुमच्या घरचं आहे का?”; सुषमा अंधारेंचा शिंदे गटाला संतप्त सवाल
- Honda Activa Smart | ‘या’ दिवशी लाँच होणार Honda Activa Smart
- Shivsena | “निवडणूक आयोगाने निर्णय देण्याआधी ‘ते’ 16 आमदार…”; कायदेतज्ञांचं शिवसेनेबाबत महत्वाचं वक्तव्य
- Team India | श्रीलंकेविरुद्ध मालिका जिंकल्यावर टीम इंडियाच्या पार्टीत दिसला ऋषभ पंत, पाहा VIDEO
- Sanjay Raut | “महाराष्ट्रात जादुटोणा? शिंद्यांचे जादूटोणा सरकार सत्तेवर आल्यापासून..”; सामनातून गंभीर आरोप
