🕒 1 min read
राज्यात सध्या उद्धव ठाकरे आणि राज ठाकरे यांच्या संभाव्य युतीच्या चर्चेनंतर, शरद पवार ( Sharad Pawar ) आणि अजित पवार यांच्यातील मतभेद संपून ते पुन्हा एकत्र येणार का, याची चर्चा सुरू आहे. यावर राष्ट्रवादी काँग्रेसच्या खासदार सुप्रिया सुळे यांनी महत्त्वपूर्ण प्रतिक्रिया दिली आहे.
सुप्रिया सुळे म्हणाल्या, “पवार साहेब आणि अजित दादा एकत्र आले तर त्यामध्ये मला कोणतीही हरकत नाही. आम्ही एक कुटुंब आहोत आणि आमच्यातील नातं खूप जुने आहे. राजकीय मतभेद असले तरी कौटुंबिक नात्यांमध्ये कुठेही कटुता नाही.”
Supriya Sule Opens Up on Sharad Pawar–Ajit Pawar Reunion Possibility
तसेच, सुप्रिया सुळे यांनी दिवंगत नेते एनडी पाटील यांचा दाखला देत सांगितले की, “एनडी पाटील आणि पवार साहेबांमध्ये टोकाचे राजकीय मतभेद होते, पण आमचं कौटुंबिक नातं मात्र कायम घट्ट होतं. आमच्या आत्यांमध्ये कधीही कटुता आली नाही. अजित दादा जर आता सॉफ्ट होत असतील, तर त्यात काही गैर नाही.”
पुढे बोलताना सुळे म्हणाल्या, “शरद पवारांनी या आधी पंतप्रधान नरेंद्र मोदींवर अनेकदा टीका केली आहे. पण हे दोन्ही नेते एकमेकांना आदरपूर्ण भेटतात”, असंही सुप्रिया सुळे म्हणाल्या.
सुप्रिया सुळे यांच्या या प्रतिक्रियेमुळे राज्याच्या राजकीय घडामोडींमध्ये नव्याने हालचाल होण्याची शक्यता निर्माण झाली आहे.
महत्वाच्या बातम्या
- IPL 2025: गुजरात टायटन्सकडून KKR ला 39 धावांनी पराभव
- “तू आज चांगला दिसतोयस…लग्न करणार आहेस का?” गुगलीवर Shubman Gill चे मिश्किल उत्तर
- “पाळीव प्राणी असो वा कुटुंबीय, सर्वच अस्वस्थ आणि शोकाकूल; मनसे नेत्यानं उडवली शेलारांची टिंगल”
