Sanjay Raut । राज्याचे उपमुख्यमंत्री एकनाथ शिंदे (Eknath Shinde) यांना उद्देशून स्टँडअप कॉमेडियन कुणाल कामरा (Kunal Kamra) याने एक व्यंगात्मक गाणे सादर केले होते. यामुळे मोठा वाद निर्माण झाला आहे. शिवसेना शिंदे गटाचे नेते आणि शिवसैनिकांनी कामरा विरोधात आक्रमक भूमिका घेतली आहे.
शिंदे गटाकडून या प्रकरणी कामराच्या स्टुडिओची तोडफोड केली आहे. तसेच त्याच्यावर गुन्हा दाखल करण्यात आला आहे. यावर राजकीय वर्तुळातून प्रतिक्रिया येत आहे. खासदार संजय राऊत यांनी कुणाल कामराच्या गाण्याचे समर्थन केले आहे.
संजय राऊत यांनी कुणाल कामराचं गाणं रिपोस्ट करत ‘कुणाल की कमाल, जय महाराष्ट्र’ अशी प्रतिक्रिया दिली आहे. इतकेच नाही तर दुसऱ्या एका पोस्टमधून त्यांनी शिंदे गटावर निशाणा देखील साधला आहे. यामुळे राजकीय वर्तुळात नवा वाद निर्माण होऊ शकतो.
कामराच्या स्टुडिओचं शिंदे गटाच्या कार्यकर्त्यांनी नुकसान करताच संजय राऊत भडकले आहेत. “जर कुणालने महाराष्ट्राच्या राजकारणावर एक व्यंगात्मक गाणं लिहिलं, तर शिंदे गटाला मिरची लागली. त्यांच्या लोकांनी कामराच्या स्टुडिओची तोडफोड केली. देवेंद्रजी, तुम्ही कमजोर गृहमंत्री आहात,” असा खोचक टोला संजय राऊत यांनी लगावला आहे.
Kunal Kamra satirical song
दरम्यान, एकनाथ शिंदेंवर केलेल्या गाण्यावरून नवीन वादाला तोंड फुटल्यानंतर कुणाल कामरा हा राज्याबाहेर पसार झाला असल्याचा दावा करण्यात येत आहे. इतकेच नाही तर त्याचा फोनही बंद असल्याची माहिती आता समोर आली आहे.
महत्त्वाच्या बातम्या :
- भाईजानच्या Sikandar चित्रपटाचा फर्स्ट डे फर्स्ट शो पाहायचाय? मग करा ‘हे’ छोटंसं काम
- 15 हजार रुपयांपेक्षा स्वस्तात घरी न्या ‘हे’ 5G Smartphone, खरेदी करण्यापूर्वी पाहा लिस्ट
- आज Lucknow Super Giants समोर दिल्ली कॅपिटल्सचं आव्हान, कोण करेल विजयी सुरुवात?
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
