कालपर्यंत गोशाळेत जाऊन गाईंची सेवा करणारी आपली लाडकी ‘मराठी मुलगी’ अचानक मशिदीत हिजाब घालून उभी राहिली तर काय होईल? सोशल मीडियावर सध्या अशाच एका वादग्रस्त फोटोमुळे प्रचंड खळबळ उडाली आहे.
आपली लाडकी सून म्हणजेच अभिनेत्री अंकिता लोखंडे सध्या नेटकऱ्यांच्या थेट निशाण्यावर आली असून तिच्यावर जोरदार टीका केली जात आहे. ‘पवित्र रिश्ता’ मालिकेतून घराघरात पोहोचलेली अंकिता (Ankita Lokhande) काही दिवसांपूर्वी पती विकी जैनसोबत (Vicky Jain) गाईंची सेवा करताना दिसली होती.
लोकांनी तेव्हा तिचं खूप कौतुक केलं होतं. पण आता तिने थेट असा काही अवतार घेतला आहे, ज्यामुळे तिचेच चाहत्यांनी तिच्या धार्मिक श्रद्धांवर प्रश्न विचारण्यास सुरुवात केली आहे. सूत्रांनी दिलेल्या माहितीनुसार, अंकिता लोखंडे सध्या पती विकी जैनसोबत अबू धाबी (Abu Dhabi) आणि दुबईच्या दौऱ्यावर गेली आहे.
Ankita Lokhande Trolled
या सहलीदरम्यान त्यांनी तिथल्या एका प्रसिद्ध मशिदीला भेट दिली. यावेळी विकीने पांढरी पँट आणि शर्ट असा साधा लुक केला होता. दुसरीकडे, अंकिताने मात्र जीन्स आणि टी-शर्टवर थेट डोक्याला हिजाब बांधला होता. तिने मशिदीतील हे फोटो सोशल मीडियावर शेअर करताच कमेंट बॉक्समध्ये युजर्सचा राग अनावर झाला.
काही दिवसांपूर्वीच गोशाळेत जाऊन सनातन धर्माचे ज्ञान देणारी अंकिता अचानक हिजाबमध्ये कशी काय दिसू शकते, असा सवाल नेटकरी विचारत आहेत. त्यामुळेच तिच्या या फोटोंवर सोशल मीडियावर आता जोरदार हल्लाबोल सुरू झाला आहे. नेटकऱ्यांनी तिच्या या बदलत्या भूमिकेला अमान्य केलं आहे.
या संपूर्ण प्रकारानंतर नेटकऱ्यांनी कमेंट्सचा पाऊस पाडला आहे. एका युझरने थेट विचारलं, “तू एक मराठी मुलगी आहेस, तुला हे वागणं आणि असा पोशाख शोभतो का?” तर दुसऱ्या एकाने लिहिलं की, हिंदू नेहमीच स्वतःला खूप जास्त धर्मनिरपेक्ष दाखवण्याचा अट्टाहास करतात, पण दुसऱ्या बाजूने असं कधीच घडत नाही.
अंकिताने या फोटोंच्या कॅप्शनमध्ये लिहिलं होतं की, ‘माझ्या कॅмера रोलमधून अबू धाबीच्या प्रेमाची ही एक छोटीशी झलक आहे, आम्ही तिथे खूप हसलो आणि आठवणी बनवल्या.’ परंतु, तिच्या या आनंदाच्या आठवणींवर आता ट्रोलिंगचे सावट पसरले असून हा वाद आणखी वाढण्याची शक्यता निर्माण झाली आहे. यावर आता अंकिता काय उत्तर देणार, याकडे सर्वांचे लक्ष लागले आहे.
📌 महत्वाच्या बातम्या
- अमेरिकेचा इराणवर पुन्हा हल्ला अन् भारतात सोने-चांदीच्या दरात मोठी उलथापालथ; खरेदी करण्यापूर्वी नवे दर बघा!
- पराभव झाला की थेट गाशा गुंडाळावा लागणार; हैदराबाद-राजस्थान महामुकाबल्यात कोण मारणार बाजी?
- विराट कोहलीने मैदानातच गुजरातच्या खेळाडूंना डिवचलं; ‘तो’ व्हायरल व्हिडीओ पाहून उडाली खळबळ!
बातम्यांसाठी YouTube चॅनेल Subscribe करा
Subscribe Now
