दुःखाचा डोंगर कोसळलेला असतानाही कर्तव्याच्या वाटेवर चालणं सोपं नसतं, याची जाणीव सध्या संपूर्ण महाराष्ट्र करून देतोय. अजित पवारांच्या आकस्मिक निधनाने राजकारण सुन्न झालेलं असतानाच, सुनेत्रा पवार यांनी राज्याच्या पहिल्या महिला उपमुख्यमंत्री म्हणून जबाबदारी स्वीकारली. मात्र, सोशल मीडियावर नेहमीप्रमाणे दोन गट पडलेत. काहींनी या धाडसी निर्णयाचं स्वागत केलंय, तर काहीजण ट्रोलिंगच्या कामाला लागलेत. याच ट्रोलर्सना आता ‘बिग बॉस’ फेम आणि ‘कोकण हार्टेड गर्ल’ अंकिता वालावलकर हिने आपल्या हटके स्टाईलमध्ये आरसा दाखवला आहे.
अजितदादांच्या जाण्याने बारामतीसह संपूर्ण राज्यावर शोककळा पसरली आहे. 28 जानेवारीचा तो विमान अपघात अजूनही कुणी विसरलेलं नाही. अशा स्थितीत सुनेत्रा पवारांचा 31 जानेवारीला झालेला शपथविधी हा अनेकांसाठी चर्चेचा विषय ठरला. यावर भाष्य करताना अंकिता वालावलकरने एक अत्यंत संवेदनशील पोस्ट लिहिली आहे.
Ankita Walawalkar Post On Sunetra Pawar
अंकिता म्हणते, “सुनेत्रा पवार यांनी शपथ घेणं म्हणजे दुःख नाकारणं नव्हे. कधी कधी जबाबदारी स्वीकारणं हेच दुःखावर उत्तर असतं.” तिने पुढे लिहिलंय की, अशा प्रसंगी काहीजण कोलमडतात तर काहीजण खंबीरपणे उभे राहतात. हे दोन्ही मार्ग मानवीच आहेत. सोशल मीडियावर बसून दुसऱ्याच्या मनातला थांगपत्ता न लागताच ट्रोल करणं सोपं असतं, पण समोरची व्यक्ती कोणत्या वादळातून जातेय, याचा विचार होणं गरजेचं आहे. “मतभेद असू शकतात, पण माणुसकी टिकवणं हीच खरी गरज आहे,” असा सल्लाही तिने नेटकऱ्यांना दिला आहे.
दुसरीकडे, प्रशासकीय पातळीवर हालचालींना वेग आला आहे. मुख्यमंत्री देवेंद्र फडणवीस यांनी सुनेत्रा पवार यांच्याकडे क्रीडा व युवक कल्याण, राज्य उत्पादन शुल्क आणि अल्पसंख्यांक विकास ही खाती सोपवली आहेत. मात्र, अजितदादांकडे असलेलं अर्थ आणि नियोजन खातं सध्या कोणालाही देण्यात आलेलं नाही. हे खातं स्वतः मुख्यमंत्री आपल्याकडे ठेवणार असून, येत्या 6 मार्चला राज्याचा अर्थसंकल्प तेच सादर करतील, अशी माहिती समोर येत आहे.
📌 महत्वाच्या बातम्या
- पाकिस्तानची ‘ती’ घोषणा अन् क्रिकेट विश्वात खळबळ; भारताविरुद्ध खेळण्यास दिला थेट नकार!
- केंद्रीय अर्थसंकल्पातून महाराष्ट्राच्या तिजोरीत येणार तब्बल १ लाख कोटी! फडणवीसांनी फोडलं आकडेवारीचं ‘सीक्रेट’
- Budget 2026: “अजितदादांचं ‘ते’ स्वप्न आज पूर्ण झालं!”; कृषी बजेट पाहून मंत्र्यांनी मानले केंद्राचे आभार
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
