मंदिरात गाभाऱ्यात फोटो काढायला बंदी असते ना? मग सेलिब्रिटींना हे नियम का लागू होत नाहीत? अभिनेत्री प्राजक्ता माळीच्या (Prajakta Mali) ताज्या फोटोंवरून सध्या सोशल मीडियावर असाच मोठा राडा सुरू झालाय.
प्राजक्ता माळी नेहमीच तिच्या हटके स्टाईल आणि इन्स्टाग्राम पोस्टमुळे चर्चेत असते. नुकतंच तिने आई तुळजाभवानीच्या दर्शनाचे काही फोटो सोशल मीडियावर शेअर केले. पारंपरिक वेशभूषेत देवीचं दर्शन घेताना ती अतिशय सुंदर दिसत आहे. तिच्या चाहत्यांनी या फोटोंवर कौतुकाचा वर्षावही केला. पण दुसरीकडे, याच फोटोंवरून आता एक नवा वाद पेटलाय.
Prajakta Mali Tulja Bhavani
सर्वसामान्य भाविकांना देवीसमोर साधं डोकंही नीट टेकवू दिलं जात नाही. तिथे फोटो काढणं तर खूपच लांबची गोष्ट! मग प्राजक्ताला मंदिरात फोटो काढण्याची विशेष परवानगी कोणी दिली? असा थेट सवाल अनेक नेटकऱ्यांनी उपस्थित केलाय. ‘सामान्यांना एक नियम आणि कलाकारांना व्हीआयपी ट्रिटमेंट का?’ अशा संतप्त प्रतिक्रिया कमेंट बॉक्समध्ये उमटत आहेत.
काही चाहत्यांनी तर थेट मंदिर प्रशासनालाच धारेवर धरलंय. देवाच्या दारी सगळे समान असतात. त्यामुळे मंदिरातील नियम सर्वांसाठी सारखेच हवेत आणि त्याची काटेकोर अंमलबजावणी व्हावी, अशी मागणी जोर धरू लागली आहे. या वाढत्या वादानंतर आता मंदिर प्रशासन किंवा स्वतः प्राजक्ता याबाबत काही स्पष्टीकरण देणार का, याकडे सर्वांचं लक्ष लागून आहे.
📌 महत्वाच्या बातम्या
- कंगना राणौतचा नवा निशाणा; सोनाक्षी सिन्हाच्या पेहराव आणि पतीवर थेट हल्लाबोल, नेमकं काय घडलं?
- ई-२० पेट्रोलवरून गडकरी रडारवर; नागपुरात अचानक एवढा भडका का उडाला?
- “हिंदू मुली जेव्हा संबंध ठेवतात…”, कंगना राणौतच्या नव्या विधानाने मोठी खळबळ!
बातम्यांसाठी YouTube चॅनेल Subscribe करा
Subscribe Now
